Гуырдзыстоны экономикон рæзт майы уыд 6.4%, январ-майы та 7.8%

Развæлгъау нымадмæ гæсгæ, Гуырдзыстоны реалон экономикон рæзт майы 6.4% уыд. Уый фæстиуæгæн цæугæ азы фыццаг фондз мæймæ (январь-май) экономикон рæзты æмвæзад уыд 7,8%.

Экономикæ æмæ æнæфæцудгæ рæзты министрады информацийæ, майы НДС фидгæ куыстуæтты зилдухы нымæц ивгъуыд азы æмбæлон мæймæ абаргæйæ фæфылдæр 8,7%. Уыимæ иумæ ног регистрацигонд куыстуæтты нымæц фæфылдæр 2,2% æмæ сси 6542 иуæджы.

Майы экономикон рæзтмæ нысаниуæгджын позитивон хайбавæрд бахаста экономикон активондзинады рæзт ахæм секторты, куыд: информаци æмæ коммуникацийы, финансон æмæ страховкæйы архайд, кондад, транспорт æмæ æвæрæн, æнæниздзинад хъахъхъæнынад æмæ æнæзмæлгæ мулкимæ баст архайд.

Уымæй дарддæр ма, экономикæйы министрады рапарахатгонд информацийы куыд ис фыст, афтæмæй январ-майы бæрзонд экономикон рæзтæн æнцонвадат уыд æттаг базарады позитивон тенденцитæ. Сæрмагондæй, экспорт фæфылдæр 19,8% æмæ ссис 3107,7 милуан АИШ доллары, мидæггагон экспорты бæрæггæнæн та (экспорт реэкспорт нæ нымайгæйæ) фæфылдæр 66,1% æмæ схызт 1929,1 милуан АИШ доллармæ.

Гуырдызстоны экономикæйы фæбæрæггонд позитивон тенденцитæ æмæ бæрзонд экономикон рæзт ирдæй дзурæг сты, цæмæй бæстæйы экономикæ æнæфæцудгæйæ баззад.