Дунеон Базарадон Организацийы скондмæ Гуырдзыстоны бацыды 25 азы сæрмæ цытджын мадзал, Швейцарийы, Женевæйы Дунеон Базарадон Организацийы штаб-квартирайы уагъд æрцыд.

Церемонийы хайад райстой æмæ раарфæ кодтой Михеил Сарджвеладзе, Генади Арвеладзе,  Реваз Ломинадзе, Гуырдзыстоны минæвар Швейцарийы, афтæ дæр дипломатон уазджыты минæвæрттæ æмæ æндæр уазджытæ.

«Абон Гуырдзыстон сæрыстыр у, куыд æууæнкджын базарадон партнер, либералон экономикон принципты лидер, æмæ бирæфарсон базарадон системæйы æнувыд уæнг. Организаци  централон роль æххæст кодта ацы прогрессы, базарады стабилон бындур ифтонг кæнгæйæ æмæ диалог, реформæтæ æмæ æмгуыстады разæнгард кæнгæйæ», -расидтис Генади Арвеладзе.

Министры хæдивæг куыд банысан кодта афтæмæй, æнæкæсгæ уымæ, цæмæй ВТО глобалон интеграцийæн фадат дæтты, Гуырдзыстон дарддæр кæны преференциалон базарадон бадзырдты къухфыст регионы мидæг æмæ æддейæ базартимæ. Уый загъта, зæгъгæ, Гуырдзыстонæн ис бирæнымæц сæрибар базарады бадзырдтæ, кæцытæ æххæссынц 2,3 миллиардæй фылдæр фæлхасгæнæджы хæрзхъæд базартыл æмæ дæттынц фылдæр базарадон æрбацыд Гуырдзыстоны сæрмагонд секторæн.
Мадзалы фæлгæтты арæзт æрцыд равдыст, кæцыйы мидæг æвдыст цæуы информаци уыцы экономикон реформæты фæдыл, кæцытæ æххæст кодта Гуырдзыстон æппæтдунеон базарадон организацимæ бацыды рæстæгæй фæстæмæ.