Украинайы  президент  Володимир Зеленскийы  фидиуæнæй,   Уæрæсеимæ бадзырдтæ æнæмæнгхъæугæ  сты.  Зеленскийы  дзырдæй, зæгъгæ   Украина æмæ  Уæрæсейы  Федерацийы  делегациты  минæвæрттæ æрвылбойнонæй  ныхас  кæнынц  видеоформаты.

Зеленски  банысан кодта, цæмæй  æнæмæнгхъæугæ у бадзырдтæ  аразын, уымæн æмæ ацы  бадзырдты  фæрцы абон Украинайы  æндæр æмæ æндæр регионæй 5 550 адæймагы  эвакуаци бантыстис, æрмæст æхсæз бонмæ  130 000-æй  фылдæр адæймаг.

Уыимæ  Украинайы  президент райхъусын кодта, цæмæй Мариуполы онг гуманитарон  кæлидор  æхгæд у.

«Нæ делегацийæн ис бæлвырд рард –  алцыппæт саразæм, цæмæй  президентты фембæлд сырæза.  Фембæлд  кæцымæ, уырнæг дæн, адæм æнхъæлмæ кæсынц. Кæй зæгъын æй хъæуы,  уый зын хъуыддаг у,  вазыгджын фæндаг, фæлæ   иттæг   хъæугæ  фæндаг у æмæ  нæ   нысан у, ацы  хæсты, ацы  уæззау бадзырдты, Украина   райса  уыцы фæстиуæг, кæцы  æнæмæнгхъæугæ у  сабырдзинад æмæ  æдасдзинадæн, цæмæй  нормалон  æмæ  эффективон  гарантитæ  нын  уа.  Будапешты меморандумы хуызæн куыд уыд, уый нæй æмæ нæдæр  нæ,  фæлæ  ахæм,  цæмæй  украинæгтæн уа сæ бон  зæгъын: о,  ацы  гарантитæ  кусынц», –  банысан кодта Зеленски.