Украинайы президент Володимир Зеленски  къух бафыста  бæстæйы  националон æдасдзинады æмæ  хъахъхъæнынады  советы   уынаффæйыл  æхстон уавæрты  иумæйаг  информацион политикæ сыххæсты  фæдыл.

Уый фæдыл  Украинайы президенты  официалон веб-фарсыл  пабликацигонд  барамынды дзырдæуы.

Украинаг медийы  хъусинагæй,  президенты  барамындмæ гæсгæйæ,   хæстон  уавæрты  хъуамæ  æрцæуа националон   телекомпаниты  биау кæнын   стратегион   окммуникациты иумæйаг   информацион   платформæйыл, кæцы  йæ  хъуыдыйы  дары  24 сахатон   информацион марафон.

Президенты барамынд критикæ кæны  Петро Порошенкойы партийы  «Националон Солидарондзинады» фракцийы  уæнг, телекомпани  «Эспресойы» бындурæвæрæг  Николай Княжицки  æмæ фæнысангонд уынаффæ  æнæрæстаг æмæ æнæзакононæй  хоны.

Йæхи æрдгæй  Украинйы  президенты  администрацийы   къухдариуæггæнæгы  уынаффæгæнæг  Михайло Подоляк   рауагъдад «Украинаская Правда»-имæ   интервьюйы  дзуры,  цæмæй   президенты  барамынд  йæ хъуыдыйы  нæ дары кæцыдæр  телекмоапнийы æрыхгæд.

«Дзырдæуы  иумæйаг  националон  телемарафоны  хайгай кæнæ æххæстæй  баиуы æнæмæнгхæъуындзинадыл, фæлæ каналтæн  ис  бæрæг  сфæлдыстадон сæрибардзинад. Æндæр хъуыддаг у, уый æмæ æххæстмасштабон хæсты рæстæджы  хъуамæ  уа иууон информацион  политикæ  телетыгъдады» – загъта Подоляк.