Пираттæ æрдгæй  нау  бацахсыны  факт нырма не сбæлвырд  ис,  фæлæ   иунæг версий рацух кæнын дæр нæй  гæнæн –  уый фæдыл  фæсарæн хъуыддæгты  министрады  консулон департаменты директоры хæдивæг Владимер  Константиниди  райхъусын кодта  Панамæйы тырысайы бын  ленкæгæ  нау  «Пантелена»-йы  фæтаруынмæ  гæсгæ.

«Пантеленайы»  бортыл  кусынц  17 гуырдзиаг  наудзог. Науимæ бастдзинад  аскъуыдис 14 августы.  Владимер  Константиниди Фыццаг Къаналæн куыд фехъусын кодта  афтæмæй,  «Пантелена» нефты транспортаци кодта.  Йæ информацйæ, агурæн  куыстыты  науы хицау  грекаг  компани Lotus Shipping æххæст кæны.

«Фæсарæн хъуыддæгты  министрад, уавæры  райхалыны  нысанæй,  денджызон транспорты  агентадимæ иумæ координиргондæй  кусы науы хицау компани æмæ Панаимæйы тырысайы администрациимæ иумæ.  Хъуыддаджы баст  у  куыд регионы  денджызон тыхтæ,   афтæ  Иугонд Паддзахады  денджызон центр.

Компани  кæцыимæ  æнæаскъуынгæ контактыл стæм,  солидон компани у,  тынг фæлтæрд,   уыдис  сæм ахæм цаутæ, ис сæм кризисон  менеджменты  серьозон къорд æмæ   цæттæ сты  цы фæнды  версийыл бакусын»- райхъусын кодта Владимер  Константиниди.

Йæ ныхæстæм гæсгæ,   æрцæугæйы  бирæ  верси гæнæн ис  æркæсын, фæлæ  исты бæлвырд  зæгъын ацы  этапыл  зын у. Владимер Константиниди куыд дзуры афтæмæй, уый цæмæй  хъуыддаг  баст у пираттимæ ацух  кæнын  нæй  гæнæн.

«Алы регионæн ис йæхи оптималон  æмгъуыд.  Ахæм  фартаты  фæстагмæ равзарынæн иу бахъæуы  максимум 20  бон, цæй  фæстæдæр  активаци скæнынц фæдисы режим. Фæлæ   мах ныфс дарæм,   цæмæй  ацы фарстайы  разарынæн ай йас рæстæг  нæ бахъæудзæн æмæ  бирæ  тагъддæр  райсдзыстæм информаци»-  райхъусын кодта Константиниди.