Виктор Медведчук  Владимир Путин æмæ Володимир Зеленскийæ куры,  цæмæй  йæ  баивой   Мариуполы хъахъхъæнджытыл æмæ   цæрджытыл.

Фæнысангонды фæдыл  Медведчук  райхъусын кодта видео-сидты, кæцы Украинайы  спецкуыстытæ  ахæлиу кодтой.

«Æз  Медведчук Виктор Владимиры фырт, сидын куырдиатæй  Уæрæсейы Федерацийы  президент Владимир Путинмæ  æмæ Украинайы  президентмæ  Володимир Зеленскимæ,  цæмæй  мæ украинаг фарс   баивæт  Мариуполы  хъахъхъæнджытыл æмæ цæрджытыл, кæцытæ  абоны  уавæрæй  сты  уым æмæ сын нæй  æдæрсгæйæ  рацыды фадат  гуманитарон   кæлидоры фæрцы», –   райхъусын кодта  Медведчук видео-сидты.

Виктор Медведчукы Украинайы   генералон прокуратурæ  паддзахадыл гадзрахатдзинады æмæ террористон  организацитæн  æххуысы  аххосджын кæны.