Уæрæсейы хъахъхъæнынады  министрады  хæстæг  телеграмм  каналты  хъусинагæй, Украинæйы  гарзджын тыхтæ  Уæрæсейы  Курскы зылды  æртæ цæрæн пункты бацахстой.

Уырыссаг блогерты ххъусинагæй, украинаг  æфсæддæттæ  бацахстой  цæрæн пункттæ  Николаево-Дарьино, Дрьино æмæ Свердликово. Уыимæ украинаг æмæ уырыссаг  æфсæддæтты  æхсæн хæст   дарддæр кæны  Курскы зылды  цæрæн пункт Гончаровкæйы æмæ  Олешнейы  цур.

Телеграмм каналты хъусинагæй,   Курскы  зылдмæ  æмтгæй райсгæйæ  400 украинаг   æфсæддон ныббырста. Ноджы  2000 украинаг æфсæддон та   лæууынц арæнгæрон.

Уырыссаг телеграмм каналты  информацийæ, Украинæйы гарзджын тыхтæ   дарддæр  кæнынц  размæцыд  Уæрæсейы  территорийы мидæмæ,  горæт Суджæйы  æрдæм. Горæт  фактиконæй эвакуацигонд   у. Блогерты дзырдæй, зæгъгæ цух нæ у уый, цæмæй  æфсæддæтты нысан уа  гацбарæн станцæты   сукынæг.  Бынæттон хицауад  æмæ   Уæрæсейы хъахъхæнынады  уагдон  Курскы цæугæ тохы  тыххæй  еталтæ нæ хъусын кæнынц.

Æвдæм августы æхсæвы  украинаг  дронтæ дыууæ  бырст сыххæст кодтой  горæт Суджайы  цур.   Фæстиуæгæн ис цæфтæ.   Афтæма хæлиу кæны информаци  цæмæй   æхсæвы  Курскы  зылды  æрыппæрстой æртæ  ракетæ æмæ 4 æнæпилот тæхæг аппараты.   Курскы   цæугæ  фæзындты  фæстиуæгæн  цæф сты  28 адæймаг, фæстаг 24 сахаты  амард æртæ  æмбæстаг.