Украинайы æмæ Уæрæсейы æхсæн уацары Куадзæнон биавд ацыд. Уый фæдыл информацийы украинаг медиа Украинайы президенты офисы къухдариуæггæнæг Андрей Ермакыл æнцойæ хъусын кæны.
Ермакы хъусинагæй, Украина Уæрæсейы уацарæй 130 адæймагы æрыздæхта. Баивд æстаг бонты дæргъы цалдæр жтапæй сыххæст ис. Ссæрибаргондты æхсæн сты украинаг æфсæддæттæ, арæнхъахъхъæнджытæ, паддзахадон транспортон куысты кусджытæ, националон гвардийы уæнгтæ.
Нырма бæрæг нæу, Куадзæнон баивды фæстиуæгæн цал æфсæддон уацайрагы адæтта Украина Уæрæсейæн.