Украинайы Уæрæсейы оккупацион тыхты сыххæст бомбæкалды фæстиуæгæн   сабыр цæрджыты  æхсæн ис фæмардуæвджытæ. Украинаг медиайы информацийæ, Украинайы  Сумыйы  зылды  уырыссаг æфсæддæттæ   æндæр æмæ æндæр   хуызы  хæцæнгарзæй  бакодтой æхст  125 хатт.

Уæрæсейы  оккупацион тыхтæ   бырст сыххæст кодтой  Харьковы регионыл дæр. Украинаг  медиайы хъусинагæй,   горæт Харьковы цалдæр  стынд уыдис. Регионы  уæлдæфон   фæдис   райхъусын кодтой.

Фæстæдæр   ахæлиу ис  информаци  ома стындты  гуыппытæ  айхъуыст Донецкы  зылды  горæт Краматорскы дæр, фæлæ регионы  уæлдæфон фæдис нæ райхъусын кодтой.

Украинайы æфсады штабы   информацийæ,  Уæрæсейы   оккупацион тыхтæ  Украинайы  æфсады æмæ  цæрæн  пунктты  ныхмæ  иу  ракетон æмæ 16 авиацион   бырст сыххæст кодтой.