Гуырдзыстон Сумы регионæн фараст   генератор алæвæрдта – уый фæдыл информаци Украинайы æдтаг хъуыдтæгты министрад парахат кæны. Сæ ныхасмæ гæсгæ, 5-æм январы Украинæйы Гуырдзыстоны хъуыдтæгты рæстæгмæ æххæстгæнæг Ираклий Абесадзе, Сумы æфсæддон администрацийы барлæвæрд бæрнонæн  æндæр æмæ æндæр тыхы  фараст  генератор алæвæрдта.

Сæ ныхасмæ гæсгæ, Гуырдзыстоны хицауад 553 000 АИШ долларæй фылдæр фæрæзтæ рахицæн кодта, цæмæй, Уæрæсейы агрессийы фæстиуæгæн зианбаййафæг  регионты царды фæрæзтæ сифтонг кæной.

«Æрвылбонон терактты,  афтæ дæр карз уазæлтты рæстæджы ацы гуманитарон æххуыс тынг нысаниуæгджын æмæ рæстæгон у. Уый баххуыс кæндзæн Сумы регионы уавæр фæфидар  кæнынæн, кæцы æрвылбон ис знаджы тæссагдзинады зонæйы æмæ æмбæстагон инфраструктурæ æмæ сабыр цæрджытыл карз бырстытæ æнкъары. Стыр бузныг сидæм Гуырдзыстоны хицауадæн, кæцы  Уæрæсейы масштабон бабырсты райдайæнæй, Украинæмæ арвыста 27  генератор социалон æмæ инфраструктурон объекттæн Киевы, Львовы, Харьковы, Николаевы æмæ Гостомелы, афтæ ма  Сумы фараст регионæн», — дзырдæуы хъусинаджы.