Украинæйы   Централон Æвзарæнон Камис, президентон æвзæрстыты   фыццаг туры  фæстиуджытæ  публикаци  скодта.   Бахыгъд  кодтой   бюллетенты  100%. Фыццаг туры  уæлахизгонд у Владимир Зеленский.  Уый æвзæрстгæнджыты хъæлæсты  30,24% райста. Дыккаг бынатыл ис  Петро Порошенко  15,94%-æй.

Украинæйы   президент чи суыдзæн, уый  21 апрелмæ  плангонд   дыккаг туры  фæстиуæгæн фæбæрæг уыдзæн.

Украинæйы  Æвзарæнон камисы   бæрæгггæнæнтæй,   æртыккаг    бынатыл ис Юлия Тимошенко,  кæцыйæн   схъæлæс кодтой  æвзæрстгæнджыты  13,4%.  Цыппæрæм уыд  Юрий Бойко 11,67%.  Алы æндæр  кандидат, 10%-æй  каддæр   хъæлæстæ райстой.  Фыццаг туры  æдæппæт  39  кандидат истой  хайад.