Гуырдзыстоны æмбæстаг оккупацигонд Цхинвалы шпионажы аххосагæй æрцахстой. Уый тыххæй фехъусын кодта, афтæ хуынæг прокуратурæйы пресс-службæ.

Оккупацигонд Цхинвалы афтæ хуынæг прокуратурæ ахстгонды ном нæ расидтис, фæлæ уæвæг информацимæ гæсгæ, ахстгонд у Гуырдзыстоны æмбæстаг, Меарахъишвили Тамар.

“Фæдагуырдмæ гæсгæ, Гуырдзыстоны æмбæстаг, кæцы бацыд Хуссар Ирыстоны территоримæ, æмбырд кодта æмæ лæвæрдта информаци республикæйы стратегион нысаниуæгджын объектты тыххæй, уый руаджы æвзæрын кодта тæссагдзинад бæстæйы æдасдзинадæн”, — дзырдæуы а.х. прокуратурæйы хъусинаджы.

Уæвæг информацимæ гæсгæ, Уæрæсейы уголовон кодексы 276 статьямæ гæсгæ байгом кодтой уголовон хъуыддаг. Шпионажы аххосаг 10 азæй 20 азы онг ахæстоны фæбадыны æмгъуыд дары йæ зæрдыл.

«Ацы адæймаг ныртæккæ ахст у æмæ фæдæвзарæн бæрæг кæны æндæр гоймæгты, кæцытæ фыдракæнды баст сты» – банысан кодтой оккупацигонд Цхинвалы афтæ хуынæг прокуратурæйы.