Уæрæсейы Паддзахадон Дума оккупацигонд Хуссар Ирыстонимæ æмкуыстдзинады фæарфдæр кæныны фæдыл сразыдзинад сбæлвырд кодта.

Раздæр документ парламенты дæллаг палатæмæ балæвæрдта Уæрæсейы президент Владимир Путин сфидар кæнынмæ.

Бадзырдмæ гæсгæ, Уæрæсе æмæ оккупацигонд Хуссар Ирыстон адарддæр кæндзысты иумæйаг экономикон фæзуат саразын æмæ къæпхæнгай ахиздзысты æттаг кредиттæ æмæ фæсарæйнаг инвестицитæм иугонд ахастмæ. Уымæй уæлдай ма нысангонд цæуы энергетикæ æмæ транспортон системæты интеграци, иумæйаг бастдзинад æмæ телекоммуникацитæ рæзын кæнын, социалон, фæллойадон æмæ культурон фадгуыты æмархайд фæуæрæхдæр кæнын.

Документы нысан ма у координиргонд æттаг политикæ æххæст кæнын æмæ хъахъхъæнынады æмæ æдасдзинады фарстатыл кусын, социалон-экономикон уавæртæ фæхуыздæр кæнын, инфраструктурæйы райрæзт, капитал, товартæ, лæггæдтæ æмæ фæллойы сæрибар змæлдæн уавæртæ саразын.