Уæрæсейы оккупацион  тыхтæ  интенсивон  хæтсон æрхæйдтытæ кæны Донецкы  зылды, Бахмут æмæ Авдеевкæйы æрдгæй.  Украинайы æфсады  генштабы информацийæ, Уæрæсе активон архайы  авиацийæ, сурзæххон  балты æххуысæн.  Хæлиу кæны информаци, ома  украинаг  æфсæддæттæ  Бахмуты цур, Уæрæсейы æфсæддон хæдтæхæг æрыппæрстой.

Официалон Киевы информацийæ, ивгъуыд  æхсæв-боны дæргъы уырыссаг æфсæддæттæ сыххæст кодтой  дыууæ ракетон  æмæ  дæс  уæлдæфон   хафт, афтæма æртæ хатт  бакодтой   залпон æхст ракетон системæтæй  Украинайы æфсæдды позицитыл æмæ æндзæвдады хаххы дæргъмæ  лæууæг  цæрæн пункттыл.  Сæрмагондæй, ракетон   бырст сыххæст  горæт Краматорскы уæвæг   æмбæстагон инфраструктурон   объектыл.

Украинайы æфсады  генштабы информацийæ, Уæрæсейы оккупацион тыхтæ  «Грады» системæтæй  Днепропетровскы  цыппар цæрæн  пунктыл  сыххæст кодтой  хафт.

Украинайы æфсады контрбырсæн  операцийы фæлгæтты, Херсонмæ хæстæг, Украинайы æфсад    тырыса райтыъдта  Днепры  галиу былыл.  Украинаг æфсад знаджы тыхты позицитæм бырсæнцыд  ракодта  Запорожьейы æмæ  Луганскы  зылдты.