Турчы иуыл бæрзонд æвзарæнон совет, Реджеб Тайип Эрдогъаны официалон уæлахиздзауæй расидтис
Турчы иуыл бæрзонд æвзарæнон совет, Реджеб Тайип Эрдогъаны официалон уæлахиздзауæй расидтис. Æвзæрстыты хайадисджыты хъæлæсты 99% -ы банымады фæстæ, Эрдогъанмæ ис 52.55%.
Æвзарæнон советы сæрдар Сади Гувены фидиуæнæй, баззайгæ хъæлæстæ æвзæрстыты фæстиуджытæм зæгъгæ нæ бандавдзысты.
Президенттæм æвзæрстытыл дыккаг бынатыл ис Мухарем Индже 30.67%-æй. Æртыккаг у Салахаттин Демирташ 8. 36%. Цыппæрæм бынатыл ис Мерал Акшенер, кæцымæ ис хъæлæсты 7.33 %. Темел Караманогълу райста 0.89%, Догъу Перинчак та 0.20%.
Цыдæриддæр та политикон партитæм æххæссы, парламентмæ бацæуынæн хъæугæ 10% барьерыл фæтых сты 5 политикон парти. Фæткдар «Рæстдзинады æмæ Тынгады Партимæ» 42.50% ис. Оппозицион «Адæмон Республикон Парти» райста 22.68%, æртыккаг бынатыл ис прокурдаг «Адæмон Демокративон парти» 11.63 %, æвзæрстытыл цыппæрæм бынат бацахста «Националистон Змæлды Парти» 11.13%. Фæндзæм политикон парти, кæцы парламентмæ бацæудзæн 10.01%æй у «Дзæбæх Партий».