Турчы абон   президентон æмæ  парламентон æвзæрстытæ цæуынц.

Турчы æмбæстæгтæ президентон  æвзæрстыты  æртæ кандидатæй  хъуамæ  саразой  æвзæрст, адон сты:  бæстæйы архайæг президент Реджеб Тайип Эрдогъан,  оппозицийы иууон кандидат   Кемал  Киличдарогълу æмæ афтæдæр –  Синан Оган.  Ноджы иу кандидат  Мухарем  Индже сæрмагонд кандидатурæ  æвзæрстыты онг  цалдæр  бон рахмæ  сыхæлдта.

Парламентон æвзæрстыты  æдæппæт 24  политикон парти æмæ 151  хæдбар кандидат  исынц  хайад.  Партиты  хай æвзæрстыты  коалицитæй  у бавдыст.

Æвзарæнон фадгуытæ  бынæттон рæстæгæй  сæумæрайсомы  08:00 сахатыл байгом сты æмæ  изæры 17:00 сахатыл  æрыхгæд уыдзысты.

Æвзæрсты хайад райсын бар ис  æдæппæт 64,1 милуан æмбæстагæн. Фондз  милуаны онг  æвзæрстгæнæг фыццаг хатт схъæлæс кæндзæн. Медиафæрæзты  бынæттон рæстæгæй  18:00 сахатыл æнæруадзгæ уыдзæн   æвзарæнон  фæстиуджыты фæдыл прогнозтæ саразын.

Æвзæрстыты фæстиуджыты фæдыл  информаци, æрмæст бæстæйы  бæрзонддæр æвзæрстгæнæг  совет райхъусын кæндзæн. Сæ публикаци бынæттон рæстæгæй  изæры 21:00  сахатыл æрцæудзæн.