Сæрды Олимпион хъæзтыты  фæстæ, Токио фысым кæндзæн  сæрды XVI  паралимпион хъæзтытæн.  Масштабон  спортивон мæдзæл    Японийы  сæйраг горæты  2020 азы  хъуамæ ацыдаит, фæлæ  Олмпиадæ куыд æрцыд æргъæвд ковид-пандемийы тыххæй,   афтæ  иу афæдзæй  ахæцыдысты  паралимпиадæйыл æмæ йын йæ номхуынд  ныууагъдтой,  – Паралимпиадæ 2020.

Фыццаг Паралимпион хъæзтытæ  1960-æм азы  Италийы сæйраг горæты Ромы  ацыд, æмæ 23 бæстæйы 400 спортсмен иста хайад, абон та планетæйы иуæй-иу  сæйраг  спортивон  фæзынд у.  2016 азы  Рио-де-Жанейройы   паралимпион  хъæзтытæм цæст дардта  4,1 миллиард  адæймаг, кæцы телеаудиторийы   рекордон бæрæггæнæн у.  Фыццаг хатт гуырдзиаг телетыгъдады,  хъæзтыты  комкоммæ   репортажтæ  Токиойы  аренæтæй  Гуырдзыстоны Фыццаг Канал равдисдзæн.

«Стыр рæстæг нæ бахъуыдис  цæмæй  параолимпион  хъæзтыты  трансляцийы  бар  нæм уыдаит.  Паралимпиадæ  Гуырдзыстоны Фыццаг Каналыл  стыр бæрæгбон у махæн, уымæн  æмæ инклюзивон  уавæртæ  скæнын  куыд организацийы  мидæгæй, афтæ нæ платформæтыл, æцæгдæр  сегасдæр нысаниуæгджын у.   Тынг хъал дæн, цæмæй  фыццаг хатт Гуырдзыстоны растдæр  Фыццаг Канал уын равдисдзæнис ацы  спортивон фестиваль  æмæ уырнæг  дæн, мах алкæмæ  бирæ  уæлахиздзинад æнхъæлмæ кæсы», – дзуры  Гуырдзыстоны Фыццаг Каналы   генералон директор Тинатин Бердзенишвили.

Токиойы параолимпиадæ 24 августы  байгом уыдзæн  æмæ 5 сентябры  фæуыдзæн. Токиойæ  параолимпион хъæзтыты  байгомы  церемониалы  комкоммæ трансляци  24 августы 15:00 сахатыл  равдисдзæн  Гуырдзыстоны Фыццаг Канал.