Конгрессмен Джо Уилсонимæ фембæлдысты «Иугонд националон змæлды» сæрдар Тина Бокучава æмæ партийы генералон нымæрдар Петре Цискаришвили.

Партийы пресс-куыстуаты рапарахатгонд информацийы куыд ис фыст, афтæмæй «Иугонд националон змæлды» делегаци дарддæр кæны йæ официалон визит Вашингтонмæ, цы ран партийы лидертæ конгрессы æмæ сенаты дывæрсыг фембæлдтæ уадзынц.

Тина Бокучавайы ныхасмæ гæсгæ, уыдон афтæ дæр фембæлдысты аналитикон центры минæвæрттимæ æмæ паддзахадон департаменты фембæлд снысан кодтой.

«Дарддæр кæнæм фембæлдтæ Вашингтоны, конгресс æмæ сенатæй дарддæр ма фембæлдыстæм аналитикон центры минæвæрттимæ уæлдæр æмвæзадыл, цыран комкоммæ арæзт цæуы америкаг политикæ. Паддзахадон департаменты дæр нæм ис фембæлд. Кæд æмæ Иванишвили æппæт дæр аразы, цæмæй Гуырдзыстон æппæтдунеон боны фæткæй сиса, уæд мах нæ тыхтæ нæ бавгъау кæндзыстæм, цæмæй Гуырдзыстон ногæй æрцæуа æхсæнадæмон боны фæткы, кæцы æрхæсдзæн стыр пайда америкаг ахастытимæ Гуырдзыстонмæ, фæнды сæрибар базарад, фæнды æнæвизæйон балц æмæ æндæр. Уымæ гæсгæ, иунæг фæндаг, цæмæй райсæм æппæт уыцы льготæтæ æмæ æрмæст санкцитæ нæ Иванишвили æмæ йæ æмбæлтты ныхмæ, фæлæ ма райсæм æппæт уыцы льготæтæ, кæцытæ «Хæлæртты акт» дæтты Гуырдзыстонæн æмæ гуырдзиаг адæмæн, кæцыйы тыххæй æнæмæнгхъæугæ у хицауады ивд, кæцы нæ раздахдзæн демократийы фæндагмæ, Трампимæ нæ ахастытæ сног кæндзæн, æмæ нæ иллюзи нæй йæ бон уыдзæн Уæрæсеимæ, Иранимæ æмкуыст кæнын, «Иванишвилийæн, кæцы Китайимæ æмгуыст кæны, Дональд Трампы администрациимæ ахастытæ сног кæныны фадат нæй» – райхъусын кодта Тина Бокучава.