Гуырдзыстоны националон архивы, режиссер Тенгиз Абуладзейы  100 азысæрмæ нывонд  юбилейон  къуырион  27 январы 17:00  сахатыл байгом уыдзæн.

Дунейы  номдзыд  гуырдзиаг режиссер Тенгиз Абуладзейы  фильмтæ  æндæр æмæ æндæр  рæстæджы,  бирæ æхсæнадæмон  приз рамбылдтой.

1956 азы, Канны  æхсæнадæмон   кинофестивалыл Тенгиз Абуладзейы æмæ Резо Чхеидзейы   фильм «Магданас Лурджа»  сеппæтæй  хуыздæр цыбырметражон   аивадон фильмыл банымадтой.

Важа-Пшавелайы  уацмысмæ  гæсгæ  ист  трилогийы фыццаг  фильмæн «Ведреба»  1974 азы  Сан-Ремойы  авторон фильмты XVII æхсæнадæмон  кинофестивалыл   сæйраг преми  «гран-при» уыд лæвæрд.

Трилогийы æртыккаг фильм – 1984 азы  ист  «Монаниеба»  та æндæр бирæ  призимæ иумæ,  Канны 40-æм  кинфестивалы  «гран-при» райста æмæ фестивалы триумфаторæй ссис.  Психологион драмæ кæцыйы Тенгиз Абуладзе нырма советон рæстæджы айста  æмæ азты дæргъы  тобæгонд уыд  йæ равдыст  Европæйы Стыр  резонанс расайдта.  Уый  «перестройкайы»  æмæ ног дунейы зæрватыккæйы   хуыдтой.

1987 азы, Канны «Монаниебамæ» лæвæрд уыд  æртæ призы:  фестивалы  гран-при,  экуменистон аргъуаны  жюриайы приз  гуманизмæн  æмæ «Фипрессы» (кинопрессæйы  æхсæнадæмон федерацийы) приз.

Банысан кæнын хъæуы,  цæмæй 2024 аз «Монаниебайæн» дæр символон у –  фильмы айстæй 40 азы  æххæст кæны.

Режиссеры къуырион 31 январ хынцгæйæ, Гуырдзыстоны националон архивы  кинозалы Тенгиз Абуладзейы  фильмты ретроспективон равдыстæй адарддæр уыдзæн.