Гуырдзыстоны мидхъуыддæгты  министрады патрулон полицийы  департаменты  информацийæ,   æхсæнадон  сæрфады хъахъъхæды,   транспорты  æнæкуылымпы  æмæ  æдас змæлд  срæвдз кæныны нысанцæй,   Тбилисы  уæвæг  уæлмæрдтæм бацæуæн фæндæгтыл,   знонаубæрæг арæнæвæрдтæ  абон дæр  кусдзысты.

«Сабурталойы, Кукиайы, Мухатгвердийы  æмæ Тбилисы денджызы  уæлмæрдты æрдæм, автомобильтæ  ахæм маршрутæй  змæлдзысты: Сабурталойы  уæлмæрды æрдæм  автомобильтæй  бацæуын  гæнæн уыдзæн  Важа-Пшавелайы проспектæй  Сандро Эулийы уыйджы æмæ Университеты уынджы  уылты.  Уæлмæрды территорийæ,  автомобильтæ  ныууадздзысты  Университеты  уынджы уылты, Тамарашвилийы   уынджы æрдæм.

Кукиайы  уæлмæрды  æрдæм змæлд   гæнæн уыдзæн ЧИтаиайы фæзæйы,  Нориойы хæрды   æмæ  Мамардашвилийы  уынджы  уылты.  Уæлмæрды территорийæ  автомобильтæ рацæудзысты   Цаишийы, Квалонийы,  Абашидзейы  æмæ  9 Æфсымæры  уынгты уылты.

Мухатгвердийы  уæлмæрды  æрдæм  змæлд  гæнæн уыдзæн  куыд  Давит Агъмашенебелийы аллейæ,  афтæ Парнаваз   Паддзахы  проспекттæй.

Тбилисы Денджызы  уæлмæрды  æрдæм змæлд  уæгъд  уыдзæн  Худадовы  æмæ Анапайы  Дивизийы  уынгты,   афтæдæр  Темкайы   æрдгæй.   Уæлмæрдæй  рацæуын   гæнæн уыдзæн   Мухраны, Бежанишвилийы æмæ  Худадовы  уынгты  уылты.

Муниципалон  транспорт  уæлмæрдты  æрдæм  змæлдæн, раст ацы  маршруттæй  пайда кæндзæн» –  хуъсын кæнынц   уагдоны.

Афтæма, патрулон  полицийы   æмбарын кæнынц, цæмæй  Куадзæны бæрæгбонмæ гæсгæ,   регионты  автомобилон  фæндæгтыл  змæлды фæкуылымпыйæ  хибахизынæн, Тбилиси-Сенаки-Леселидзейы  автомобилон магистралыл,  уæзласæн   хæдтулгæты  змæлд  периодонæй  урæд цæудзæн.