Тбилисы сахарон тæрхондон Гуырдзыстоны раздæры премьер-министр Ираклий Гъарибашвилийы развæлгъау ахстмæ кæсы. Хъуыдтагы сæрдариуæг кæны тæрхонгæнæг Эка Барбакадзе.

Абоны тæрхондоны рабадтыл Гъарибашвили Ираклий йæхæдæг дæр ис.

Гъарибашвили Ираклий тæрхондоны рабадты агъоммæ журналисттæн коментар нæ сарæзта. Гуырдзыстоны раздæры премьер-министр, байхъуысты фæстæ, гæнæн ис æмæ коментар сараза медийæн.

Зæрдыл уын æрлæууын кæндзыстæм, 17-æм октябры Гъарибашвили Ираклий, Лилуашвили Григол, Пъарцхаладзе Отар æмæ семæ баст хицæн адæймæгты хæдзæртты сырæзт басгæрстытæ. Прокуратурæйы куыд хъусын кæнынц, афтæмæй ист æрцыдысты алыгъуызон электрон кусæнгæрзтæ, документаци, стæй стыр суммæтæ æхцайы фæрæзтæ.

Паддзахадон æдасдзинады куысты брифингыл 22-æм октябры фехъусын кодтой, цæмæй раздæры премьер-министр Ираклий Гъарибашвилийы Антикоррупцион агентад æрфарста. Уый æххæстæй æмгуыстад кодта фæдагуырдимæ æмæ басаст, цалдæр азы дæргъы æнæзакъонон æфтиæгтæ кæй иста, ууыл. Зæрдыл уын æрлæууын кæндзыстæм, Ираклий Гъарибашвили фыццаг хатт премьер-министры бынат ахста 2013-æм азæй 2015-æм азмæ, 2015-æм азы 30-æм декабры йæ бынатæй ацыд, хицауадмæ та 2019-æм азы хихъахъæнады министрæй æрыздæхт. Дыууæ азы фæстæ, 2021-æм азы февралы Гуырдзыстоны парламент сфидар кодта премьер-министрæй. Гарибашвили ацы постæй 2024-æм азы 29-æм январы йæхи систа.