Гуырдзыстоны техникон университет Тбилисы паддзахадон университетимæ нал баиу уыдзæн.

Уый фæдыл Гуырдзыстоны премьер-министр Ираклий Къобахидзе хицауады администрацийы арæзт брифингыл расидтис.

Йæ ныхасмæ гæсгæ, техникон университеты баззайдзæн æрмæст техникон факультеттæ, иннæ æнæтехникон факультеттæ та уыдзысты æххуысгæнæг режимы.

«Иу горæт, иу факультет»-ы принципмæ гæсгæ, Гуырдзыстоны техникон университет сыгъдæг техникон университетмæ раивдзæн. Уый уыд нæ уæлдæр ахуырады концепцийы сæйраг здæхтытæй иу. Уымæ гæсгæ, фидæны техникон университеты æрмæстдæр уыцы дисциплинæтæ ахуыр кæндзысты, кæцытæ 90-æм азты агъоммæ Гуырдзыстоны техникон университеты ахуыр кодтой æмæ æмбæлон программæмæ хаст æрцыдысты. Афтæ дæр, фидæн ахуыры азмæ, Гуырдзыстоны техникон университет нал хъусын кæндзæн уыцы дисциплинæтæм райсты тыххæй, кæцытæ 1990-æм азты онг техникон университеты ахуырадон программæмæ нæ хаудысты. Уымæ гæсгæ, техникон университеты æнæтехникон ахуырадон программæтæ баззайдзысты уæлæмхасæн режимы иннæ азы дæргъы. Дыууæ университеты нал баиу кæндзысты. Æнæтехникон здæхтыты тыххæй та баззайдзысты уæлæмхасæн режимы. Уымæ гæсгæ, ацы азæй фæстæмæ техникон университеты æмбæлон специалитеттæм райст нал уыдзæн хъусынгæнинаг», -расидтис Ираклий Къобахидзе.