Гуырдзыстоны уæлвæткон æмæ æххæстбарджын минæвар АИШ-ы Талиашвили Тамар АИШ-ы сенатмæ æттаг ахастыты, ассигнованиты, финансты æмæ уставты комитетты уæнг АИШ-ы сенатор Билл Хаггертимæ фембæлд сарæзта.

Гуырдзыстоны æттаг хъуыдтæгты министрады информацимæ гæсгæ, фембæлды рæстæджы фарсытæ дыууæфарсон ахастытыл æмæ æмкуыстдзинад фæарфдæр кæныны перспективæтыл фæныхас кодтой.

«Гуырдзыстоны минæвар ноджы иу хатт сбæлвырд кодта гуырдзиаг фарсы цæттæдзинад Гуырдзыстон-АИШ-ы æммахастыты дарддæры размæцыдæн йæ хайбавæрд бахæссын.

Ныхасы афтæ дæр уыд æхсæнадæмон æмæ регионалон геополитикон æрцæугæты фæдыл», -ис фыст æттаг хъуыдтæгты министрады фидиуæны.