Абхазийы  1992-1993  азты   гарзджын конфликты рæстæджы  фæмардуæвджыты  идентификаци дарддæр кæны.

Сырх ДЗуары  æхсæнадæмон комитеты ахæлиугонд  релизы куыд у банысангонд афтæмæй,   ацы  фарстайы фæдыл фембæлд  Ереваны  абон ацыд.

Европæ æмæ  Централон Азийы  Сырх Дзуары  æхсæнадæмон комитеты (СДÆК)  куысты  координаторы  Никола  Флорийы   дзырдæй,   гуырдзиаг æмæ абхазаг  хайадисджытæй  арызт  координацион механизмы  саразыны  фæстæ, 431  адæймаджы  мардыбуары   рацагурын  æмæ  эксгумаци  æрцыд,  сæ нымæцы  идентификацигонд æрцыд  148 сæ æмæ  бинонтæм алæвæрдтой  бавæрынæн.

«Нæ тыхархайдæй, 2019 азы  райдианы,  фылдæр бинонтæ райсдзысты дзуапп   уыдонæн  зынаргъ  адæймæгты  амонды  фæдыл.  Идентификацийы  процесс   кæронбæттæн этапыл лæууы.  Ацы прогресс  координацион  механизмы  хайадисджыты  хиуылнæауæрдгæ   æмгуыстады æмæ   проессы  бынæттон  экспертты  бастдзинады фæстиуæг у,  кæцыты  фæлтæрдтæ æмæ  зонынад æхсæнадæмон стандарттæм æмбæлон у»- райхъусын кодта  Никола Флори.

Уымæй  уæлдай ма   Сырх Дзуары  æхсæнадæмон   комитеты  ахæлиугонд  релизы  куыд у  абнысангонд афтæмæй,  гуырдзиаг æмæ абхазаг  хайадисджытæй  арызт  координацион механизмы фембæлд  Абхазы   гарзджын конфликты  æмæ йæ  фæстиуæгæн  æвæндаг æрбайсæфтуæвæг 2258 адæймаджы  амонды  æмæ  бынаты  сбæлвырд кæнынæн  сырæзт.

Фембæлдæн сæрдариуæг кодта  Сырх Дзуары  æхсæнадæмон комитет, йæ  нейтралон  æхсæнылæгы статусмæ æмбæлгæйæ.

«Æххсæнадæмон   гуманитарон  барадмæ  æмбæлгæйæ, æвæндаг æрбайсæфтуæвæг уæнгы  бинонтæм ис бар зоной, цы  амонд  бавзæрстой  сæ хæстæджытæ» – банысангонд у  Сырх Дзуары  æхсæнадæмон комитеты  ахæлиугонд  релизы.

Координацион  механизм, Сырх Дзуары æхсæнадæмон комитеты  эгидæйæ  2010 азы  сырæзт. Йæ  нысан у, 1992-1993 азты  конфликты фæстиуæгæн  æвæндаг æрбайсæфтуæвæг  адæймæгты  рацагурын.