Субсидиргонд ипотекон кредиты программæ фыццаг сентябрæй скусдзæн
Субсидиргонд ипотекон кредиты программæ фыццаг сентябрæй скусдзæн

Фыццаг сентябрæй  йæ тыхмæ хизы  уыцы программæ, кæцы æххæссы ипотекон хæсты  процентыл субсидитæ фидынмæ уыцы  бинонтæн, кæмæдæриддæр  уыдзæн  ноггуырд, кæнæ та уыцы бинонтæн кæмæндæриддæр  ис æртæ кæнæ фылдæр хъæбулы –  уый фæдыл  райхъусын кодта экономикæйы министр Натиа Турнава.

Министры дзырдæй, фæнысангонд программæ  бинонтæн  уавæртæ фæхуыздæр кæныны фадат ратдзæн.

Гуырдзыстоны хицауады  инициативæйæ  2021 азы фыццаг сентябрæй, субсидиргонд ипотекон хæсы  паддзахадон программæ  скусдзæн, кæцыйæн йæ нысан у  ахæм бинонтæн цæрæн уавæртæ фæхуыздæр кæнын, кæцытæм ис ноггуырд хъæбул кæнæ хъæбултæ.

Программæ æххæссы ахæм бинонтæм кæнæ иунæг ныйарджыты/идæдзы ист ипотекон кредиттыл  процентон  æфтиагы  субсидиркæнын хæс раттынæй  60 мæйы дæргъы.

Экономикæйы æнæфæцудгæ  рæзынады министрады информацийæ,  программæйæ  пайда кæныны фадат ис: бинонтæн/иунæг ныйарæгæн/идæдзæн, кæд хæс райсыны моменты йын ис 2021 азы  фыццаг сентябры  фæстæ  гуырд  иу аздзыд кары онг хъæбул; бинонтæн/иунæг ныйарæгæн/идæдзæн, кæд хæс райсыны моменты йын ис æртæ кæнæ фылдæр  æнахъом хъæбул; бинонтæн/иунæг ныйарæгæн/идæдзæн, кæд хæс райсыны моменты йын ис 2021 азы фыццаг  сентябры  фæстæ кæнгæ æнахъом хъæбул.

Экономикæйы министрады банысан кодтой, цæмæй  программæйы фæлгæтты ипотекон  кредитты алæвæрд  цæудзæн æрмæстдæр националон валютæйæ, уый дæтдзæн коммерцион банк, фыццагон æмæ дыккагон  фатер/хæдзар балхæнынæн  кæнæ  хисæрмагонд хæдзар саразынæн.

Ныууадз комментари