2020 азы   январы   бæрæггæнæнтæй,  Гуырдзыстоны   цæрынæн хъæугæ  æххуыс  исынц 431 902  адæймаг,  кæцы  у   цæрджты  11,6%-ы  бæрц.  Статистикон   бæрæггæнæнты публикаци кæны  социалон  лæггады  агентад.

Фæнысангонд  информацимæ гæсгæ, цæрынæн  хъæугæ   æххуыс исджытæй  46 628   сты  0-æй 6 азы онг  кары  сывæллæттæ, 105 596 та – æхсæзæй  18 азы онг кары  уæнгтæ.  Раззаг азы  декабры  бæрæггæнæнтæй   бæстæйы   цæрынæн хъæугæ  æххуыс 427 373 адæймаг иста, 2019 азы январы  та –  442  112.

2019  азæй   паддзахад   социалонæй  цыбыркъух бинонтæн  фæйнæ сывæллоныл сæ  æххуыс   фондзхаттонæй  фæфылдæр кодта  æмæ   йæ  50  ларийы  бæрц скодта.

Ацы  этапыл  ИНО-йы   сывæллæтты  фонды  æххуысæй,   хицауад  æххæст кæны   сывæллæттæн   хцайæ уæлæмхасæнты æндæвдадæн аргълæвæрд, æмæ   фæстиуджытæ та   афæдзы  кæрон   уыдзæн бæрæг.   Растдæр уый  фæстæ  аскуыддзаг уыдзæн, куыд  цæудзæн лæвæрд   50 ларийы  бæрц  æххуыс æнæхъæн бæстæйы  масштабæй –  æххæстæй  æхцайæ,  комбининргондæй  æви æнæхъæнæй   хæринаг продуктты  хуызæй.