Скъолаты абонæй фыццакълассæгты регистрацийы дыккаг этап райдайы, кæцы 17 зæрдæвæрæнмæ аххæсдзæн.
Дыккаг этапыл скъолайы регистрацигонд æрцæудзысты уыцы сывæллæттæ, кæцыты æфсымæр кæнæ хо, ахуыр кæнынц уыцы скъолайы, кæцытæ бакæнын хъавынц фыццагкълассагы æмæ афтæдæр уыцы сывæллæттæ, кæцыты ныйарджытæ скъолайы кусджытæ сты. Ацы регистраци баххæсдзæн уыцы цаутæм дæр, иу бинонтæй иурæстæгонæй дыууæ кæнæ фылдæр сывæллон куы ацæуы фыццаг кълассмæ.
Регистрацийы ацы этапыл сывæллæтты регистрацийы ауадзынæн, ныйарджытæ кæнæ та сывæллоны закъонон минæвæрттæ, комкоммæ скъоламæ хъуамæ бавдисæт куырдиат æмæ сæм бахæссæт сывæллоны документаци.
Фыццаг кълассмæ ацæуыны бар уыцы сывæллæттæм дæр ис, кæцытыл 16 сентябры сыххæст уыдзæн 6 азы.
2019-2020 ахуырадон азмæ фыццагкълассагты регистрацийы уагмæ ацы аз ивдтытæ бацыд æмæ уый цыппар этапæй ацæудзæн.
Гуырдзыстоны ахуырады, зонынады, культурæ æмæ спорты министры уынаффæйæ, ацы аз, сææраджыдæр регистрацийы бар лæвæрд æрцыд Специалон ахуыргæнæн домæнтæ кæмæн ис, уыцы сабитæн. Ацы категорийы сывæллæтты регистрацийы фыццаг этап 2019 азы 25 марты райдайдзæн æмæ 5 апрелы фæуыдзæн (раззаг азты, специалон ахуыргæнæн домæнтæ кæмæн ис, уыцы сабитæ, хайад истой фыццагкълассагты æппæтьон регистрацийы).
Регистрацийы дыккаг этап, 2-йæ 17 майы банымадæй, уыдзæн гæнæн скъолаты регистрацийы ауадздзысты сывæллæтты, кæцыты хо кæнæ æфсымæртæ ахуыр кæнынц сывзаргæ скъолайы; кæцыты ныйарæг у скъолайы кусæг;
Æртыккаг этап, æппæтон регистраци, райдайдзæн 21 майæ æмæ 12 июны банымадæй сæххæст уыдзæн.
Цыппæрæм этап, кæнæ та ссæрибаргонд бынæттæм регистраци æмæ документацийы бавдыст 25 июнæй 5 июлы банымадæй сæххæст уыдзæн скъолайы. Ацы этапыл ссæрибаргонд вакантон бынатмæ кæнæ баззайгæ сæрибар бынæттæм уыцы ахуыргæнинæгты регистраци ацæудзæн, кæцытæн нæ бантыст регистрацийы ацæуын фыццаг, дыккаг æмæ æртыккаг этаптыл, кæнæ та сæ фæнды регистрацийы раивын.
Документацийы бавдыст 13 июнæй 21 июны банымадæй уыдзæн æнæмæнгхъæугæ. Регистраци сæххæст уыдзæн ахуырадæн фæткдæттыны информацион системæйы официалон веб-фарсыл www.emis.ge. Бæрæг æмгъуыдты, документаци æнæ бавдысты цауы, регистраци автоматонæй фæмацы уыдзæн.
Регитсраци ацæуыны фæстæ, фæндон скъоламæ ныйарджытæ хъуамæ бавдисой ахæм документтæ: сывæллоны райгуырды æвдисæндæры хуызæг; ныйарджыты гоймагон æвдисæндæртты хуызæгтæ.
Министрады информацийæ, бæстæйы масштабæй скъолаты фыццагкълассæгтæн, æдæппæт рахицæнгонд у 59 мин бынат, фæлæ æнхъæлмæкæсинаг къадайы бæрц уыдзæн 57 мины онг.
