Скандинавийы бæстæтæм  Гуырдзыстоны парламентон делегацийы  визит  абон  сæумæрайсомæй  Норвегийы  официалонæй  райдыдта.  Делегацийæн  къухдариуæг кæны  парламенты срæдар.

Делегацийы сконды  сты  Мака Бочъоришвили  æмæ Николоз Самхарадзе. Афтæма  оппозиционер  депутат  Херман Сабо.  Боны дæргъы  фембæлдтæ  ацæудзæн   Норвегийы  паддзах  Харальд V-имæ, Норвегийы  бæстæйы парламенты  (Стортинг)  сæрдар Масуд  Гараханиимæ, афтæма  Стортингы  æддæ ахастыты  æмæ  хъахъхъæнынады иудадзыгархайæг  комитеты  уæнгтимæ æмæ  фæсарæн хъуыддæгты министрады  паддзахадон  нымæрдар  Хенрик Тунимæ.

Гуырдзиаг фарсæй  Ослойы  дискусийы  сæйраг  темæ  уыдзæн Гуырдзыстоны НАТО-йы  уæнг суæвыны  процесс æмæ ацы æрдгæй  Норвегийы  æххуыс  стынг кæнын.

Уыимæ, парламенты сæрдар  знон фембæлдис  Норвегийы  гуырдзиаг  диаспорæйы уæнгтимæ. Шалва Папуашвили йæ хъусдард раздæхта  Гуырдзыстоны  евроинтеграцийы  процессмæ æмæ   Евроцæдисы  кандидат  бæстæй статусимæ баст   æнхъæлцытыл фæныхас кодта. Норвегийы  фæстæ Гуырдзыстоны парламенты делегаци ныццæудзæн   æртæ  бæстæмæ, сæ нымæцы Данимæ, Финлянди æмæ Швецимæ.  Уынаффæйы  сæйраг   темæ  уыдзæн Гуырдзыстоны  Евроцæдисы  уæнгсуæвыны процесс æмæ статусы  раттыны  фарстаты ацы бæстæты  фарсхæцæг  позицийы  сфиксир кæнын. Гуырдзиаг фарс  ацы  бæстæты  лидертæн  хъавы уый райхалын, цæмæй  цы реформæтæ   æрцыд уагъд  бæстæйы æмæ цæмæн у Гуырдзыстонæн ацы  статусы раттын нысаниуæгджын.