Ереваны, Европолитикон Цæдисы саммиты фæлгæтты мын уыд фембæлд мæ гуырдзиаг коллегæ, æттаг хъуыдтæгты министр Мака Бочъоришвилиимæ – уый фæдыл социалон хызагы фыссы Украинæйы æттаг хъуыдтæгты министр Андрий Сибига.

Сибига куыд фыссы, афтæмæй фембæлды сæрмагонд хъусдард аздæхтой кæрæдзийæн пайдайаг базарадон æмæ экономикон æмархайд парахат кæнынмæ.

“Мах баивтам хъуыдытæ дывæрсыг, регионалон æмæ æхсæнадæмон цауты уæрæх спектры фæдыл. Афтæ дæр æруынаффæ кодтам европæйаг интеграци æмæ Евроцæдисы ахсджиаг ролыл дунеон хъуыддæгты. Сæрмагонд хъусдард аздæхтам кæрæдзийæн пайдайаг базарадон æмæ экономикон æмархайды рауæрæхмæ. Сразы стæм, цæмæй фидæны дæр дарддæр кæндзыстæм контакт”, – фыссы Сибига.

Информацийæн, Гуырдзыстоны премьер-министр Ираклий Къобахидзе Европолитикон Цæдисы (ЕРС) æстæм саммиты фæлгæтты Украинайы президент Владимир Зеленскиимæ фембæлд.

Гуырдзыстоны хицауады информацимæ гæсгæ, Ираклий Къобахидзе æмæ Владимир Зеленскийы æхсæн фембæлд украинаг фарсы инициативайæ сырæзт æмæ дыууæ бæстæйы æхсæн ахастытыл фæныхас кодтой.