Европаг Советы  президент Шарль Мишель, Гуырдзыстонмæ, абон 15:00 сахатыл  æртæхдзæнис.

Гуырдзыстоны президенты пресс-куысты  хъусинагæй,   Шарль Мишель сæрыфыццагæй  президент Саломэ Зурабишвилиимæ фембæлдзæн.

Плангонд у  Гуырдзыстоны президенты æмæ  Европаг Советы президенты  иумæйаг  фидиуæнтæ   прессæйæн.

Европаг Советы президент  афтæдæр абон   фембæлдзæнис  Гуырдзыстоны  премьер-министр  Ираклий Гъарибашвилиимæ.

Афтæма Шарль Мишель  парламенты фембæлдзæн  Гуырдзыстоны  парламенты сæрдар Арчил Талакъвадзеимæ æмæ  политикон партиты минæвæрттимæ.

Боны кæрон  Европаг Советы президент Шарль Мишелы цытæн, Саломэ Зурабишвилийы   номæй ацæудзæнис сихор.

Орбелианиты   галуаны,  Шарль Мишелы  документыл æндæр æмæ æндæр партиты минæвæрттæ   къух  знон бафыстой.

Европаг Советы президент Шарль Мишель, политикон  партитæн  ног документ  18 апрелы  бавдыста.  Сæрмагондæй та, Шарль Мишелы  бавдыст   ног  документмæ гæсгæйæ,   «Гуырдзиаг Бæллиццы»  æнхъарæнмæ æмбæлгæйæ, 2022 азы снысан уыдзæн   æмгъуыдагъоммæ  парламентон æвзæрстытæ,  кæд хицаугæнæг парти, бынæттон хæдуынаффæйы  æвзæрстыты 43 проценттæй  къаддæрдæр хъæлæстæ райсдзæн.

Уыимæ иумæ, Шарль Мишелы документмæ гæсгæйæ,   бадзырд бафыссынæй  иу къуыримæ,  фарсытæ  политизиргонд нымад  дыууæ  хъуыддаг  хъуамæ ногæй æркæсой.