Гуырдзыстоны парламенты сæрдар  Шалва Папуашвили  Украинайы  бæрзонддæр   Радайы  сæрдар Руслан  Стефанчукимæ  онлайн фембæлд ауагъдтой.

Парламенты  пресс-куысты   информацийæ,   фембæлдыл   æркастысты  Украинайы   ныхмæ  цæугæ  уырыссаг  агресси æмæ йæ  трагикон фæстиуджытæ.

Афтæма йæ  хъусинагæй,   Руслан Стефанчук  Гуырдзыстонæн  базуныг загъта   æххуысы тыххæй, уымæй  уæлдай ма,  Гуырдзыстоны уæвæг   украинæгтыл аудындзинады æмæ   хъусдарды тыххæй.

«Шалва Папуашвили  ноджы иу  хатт равдыста   Украинайæн Гуырдзыстоны  фарсхæцын  æмæ украинаг  адæмæн  солидарондзинад.  Фембæлдыл  æрныхас кодтой, цæмæй фидæны   æндæр æмæ æндæр  информацийы  тыххæй,   æнæмбарындзинадæй  хибахизынæн   нысаниуæгджын у  кæрæдзиимæ  рагафон коммуникаци  æмæ  информаци баивд.  Фембæлдыл  афтæдæр  æркастысты  Евроцæдисы  уæнгсуæвыны  процессы  Гуырдзыстоны  æмæ Украинайы  æмгуыстады  æмæ фæлтæрддзинад кæрæдзийæн  бацамынды  фадæттæ.  Фарсытæ  æрныхас кодтой, æввахс бонты  Гуырдзыстоны  парламенты сæрдары визиты тыххæй  Украинамæ», –   дзырдæуы  информацийы.