Уæрæсе-Украинаг хæсты райдайæнæй абон сæххæст цыппар азы. Ацы хæст ныридæгæн ахызт Стыр Фыдыбæстæйон хæстæй дæргъвæтиндзинадæй, æмæ уымæй ницæмæй хицæн кæны пырх æмæ адæймагон хъизæмæрттæй – уый фæдыл Гуырдзыстоны парламенты сæрдар Папуашвили Шалва социалон хызагы фыссы.

Папуашвили куыд фыссы афтæмæй, фронты хахх нырма дæр у, кæм уыд 80 азы размæ, æмæ Гуырдзыстон йæ карздзинад æнкъары растдæр афтæ, куыд уæд, 1940-æм азты.

«Æцæгæйдæр, Америкæйы Иугонд Штатты президент куыд зæгъы абон, афтæмæй ай у ахæм хæст, кæцы никуы хъуамæ райдыдтаид.Фæлæ мах нырма дæр уынæм ахæм тыхтæ, кæцыты хъæуы æмæ организаци кæнынц ацы хæсты адарддæр кæнын.Æмæ стыр паддзахадты æхсæн интересты ныхмæлæуды цауы, бæстæ æмæ адæм, кæцыты зæхх хæсты быдыр свæййы, сеппæтæй уæззаудæр аргъ фидынц.

Ацы хæст хъуамæ тагъддæр фæуа. Хъуамæ æрфидар уа сабырад. Украинæйы паддзахад хъуамæ фервæза.

Ног æдасдзинады архитектурæ хъуамæ бындуриуæг кæна суверенитет æмæ националон идентондзинадæн кад кæныны принципыл. Ацы цæстæнгас æмæ удварн Гуырдзыстонæн уыд хæсты фыццаг бонæй фæстæмæ. Мах æххæст кодтам сабырады политикæ сеппæтæй вазыгджындæр уавæры, уæд хæстонтæ хъавыдысты Гуырдзыстоны хæсты аркæмæ æрбакæнын æддейæ æндæвдад æмæ мидæгæй фидар ныппырх кæнгæйæ. Фæлæ цыппар азы размæ фидарæй хъахъхъæдтам нæ националон интерестæ æмæ сæ абон фидарæй хъахъхъæнæм», ​​- фыссы Папуашвили.

Йæ ныхасмæ гæсгæ, абон, кæд æмæ нæ регион ногæй æмбæлы ног конфронтациты тæссагдзинадыл, Гуырдзыстонæн тых, иудзинад æмæ суверенон æвзæрсты хъахъхъæд æрмæст политикон нæ фæлæ ма историон императивтæ сты.

«Хъыгагæн хæст нырма хæстæг у æмæ нырма дæр тæссаг у мингай адæймæгты амарынæй.Ныр дæр нæй гæнæн ссарын сабырадæн формулæ.

Кувæм сабырадæн æмæ украинаг адæмæн. Нæ зæрдæ сын зæгъы фæразондзинад æмæ æнæфæцудгæ сабырадмæ æрхæццæ уæвын», – фыссы Папуашвили.