Гуырдзыстоны парламенты сæрдар Шалва Папуашвилийы расидæнмæ гæсгæ, уый цалдæр бæстæйы парламенты уæнгтæй арæзт къордимæ фембæлдмæ нæ сразы ис, кæцы ацы бонты Гуырдзыстонмæ æрцæуы æмæ кæцыйы къухдариуæг кæны Лиетувæйы парламенты уæнг Жигимантас Павильонис.

Папуашвили фыстæг публикаци кæны æмæ æмбарын кæны аххосæгтæ, цæмæн нæ банымадта æнæмæнгхъæугæйыл ацы делегациимæ фембæлд.

«Фæстаг дыууæ æмæ æрдæг азы дæргъы делегацийы иуæй-иу уæнгты æнæхæлар риторикæ æмæ архæйдтытæ Гуырдзыстон æмæ йæ хицауады æрдæм, кæцытæн æвдисæн уыдыстæм фæстаг дыууæ æмæ æрдæг азы дæргъы, афтæдæр къуылымпы кæнынц Гуырдзыстоны сабырад æмæ демокративон стабилондзинад бахъахъхъæныны тыхархайдтытæ.

Нæй гæнæн Европæйы сабырады проектæй равдисын æмæ уыцы-иу рæстæджы Европæйы номæй бæстæйы хаос тауын.

Гуырдзиаг æхсæнад ирдæй дзуапп ратта 26-æм октябры æвзæрстыты фæсарæйнаг къуылымпыдзинадæн, кæцыйы рæстæджы «Гуырдзиаг бæллицц» ноджы иу уырнинаг уæлахиздзинад рамбылдта.

Æвзæрстытыл нæ сразы уæвын æмæ æвзарджыты ахæм тыхджын хъæлæс ницæмæ дарын у ахæм фæндаг, кæцыйыл оппозици азты дæргъы цæуы æмæ кæцыйыл ныридæгæн сахуыр ис гуырдзиаг æхсæнад. Фæлæ гуырдзиаг æхсæнад куы уыны, цæмæй европаг политиктæ демократийы ныхмæ цæуынц, уæд уый Евроцæдисмæ æууæнкдзинадæн зиан хæссы.

Уæлдæр цы загътам, уый хынцгæйæ, æз нымайын, райсгæ курдиатыл сразы уæвын кæй нæй гæнæн.

Уыимæ иумæ мæ фæнды делегацийы æндæр уæнгтæн дæр кад кæнын æмæ сбæлвырд кæнын цæттæдзинад адарддæр кæнын диалог парламентон дипломатийы фундаменталон принциптæ æмæ нормæты фæлгæтты, кæцы бындуриуæг кæны æмхуызондзинад æмæ суверенитетæн цыт кæныныл» – Шалва Папуашвили загъта йæ Facebook-ы фыстæджы.