Махæн ис нæ февраль – сæрибардзинад, хæдбардзинад æмæ иудзинады сæрыл тохы символ – уый фæдыл Гуырдзыстоны парламенты сæрдар Шалва Папуашвили  социалон хызы Юнкерты мысæн бонмæ гæсгæ ныффыста.

Папуашвили куыд банысан кодта, афтæмæй, æнусы дæргъы тох мысын у ноджы актуалон дæр абон, уымæн æмæ мах цæрæм дунеон æмæ регионалон катаклизмæты дугы, кæцыты активон фазæ райдыдта растдæр февралы, Уæрæсейы ныббырстæй Украинæмæ.

Абон мах кад кæнæм курсантты æнувыддзинадæн, куыд патриотизмы æмæ райгуырæн бæстæмæ уарзондзинады бæрзонддæр равдыстæн, куыд хиуылхæцындзинады дæнцæгæн, суанг ныридæгæн ныппырх кæнынмæ тæрхонгонд тохы дæр. Сæ æнувыддзинад æмæ хъæбатырдзинад, экстремалон уавæрты сæ бæстæйы æмбæхсын, никуы ферох уыдзысты. Уый у Маро Махъашвилийы, Шалва Эриставийы æмæ æндæрты сгуыхтдзинад, афтæ дæр нæ рæстæджы Гиоргий Анцухелидзе, æфсымæртæ Ромелашвилитæ  æмæ æндæр сæдæгай хъайтартæ, кæцытæ Самачаблойы æмæ Абхазы сæ цард радтой бæстæйы иудзинадæн.

Уый тыххæй нæ хъæуы паддзахадон тых, зонд æмæ хъару, цæмæй тæссагдзинæдтимæ тох кæнæм политикон фæрæзтæй, цæмæй нæм уа удæгас курсанттæ æмæ удæгас хъайтартæ, цæмæй ныхæстæ ма æрсабыр уой æмæ сæ бæсты топпытæ ма дзурой.

“Æмæ уæддæр, кæд искуы фæстаг момент æрцæудзæн, уæд алчидæр, кæцы фыдбылыз бæллы, хъуамæ зона, цæмæй Гуырдзыстон нæ ратдзæн йæхи æмæ нæ райсдзæн сæрибардзинад, хæдбардзинад æмæ иудзинады фесæфт æнæ тохæй. Гуырдзыстон тох кæндзæн, куыд кæддæриддæр тох кодта” – ныффыста Папуашвили  социалон хызы.