Нæдæр фыдракæнды бацæттæ кæныны агъоммæ, нæдæр йæ цыды рæстæджы, нæдæр уый фæстæ, иунæг фæсарæйнаг, Брюсселы бюрократ, кæнæ хицæн бæстæты бæрнон дæр тыхстдзинад нæ расидтис тыхмидзинады æмæ фыдракæндты фæдыл, фæлæ ма ноджы йæ фарсыл хæцынц   – расидтис Гуырдзыстоны парламенты сæрдар Шалва Папуашвили брифингыл.
Папуашвилийы ныхасмæ гæсгæ, хъуыстысты æрмæстдæр фыдракæнды фарсылхæцæг лозунгтæ æмæ иумæйаг, дзæгъæл фразæтæ демократи æмæ сæрибардзинады фæдыл, кæцытæ ноджы цинондæр фæкастысты уыцы массон фыдракæнды фоныл, кæцымæ æнæхъæн дуне комкоммæ эфиры каст.
«Афтæ зыны, цыма развæлгъау бацæттæгонд тексттæ дæр уыдысты, кæцытæ раразмæ кодтой бæрæг моменты фæстæ æмæ хъуамæ лæггад кодтаиккой Майданæн æддагон æртхъирæнæй. Мах уынæм уыцы иу цæсгæмттæ, кæцытæ азты дæргъы нæ бæстæйы бынмæ æвæрынц, уæлдайдæр та фæстаг æртæ азы дæргъы мах уынæм сæ æнæрлæугæ архайдтытæ, цæмæй махимæ змæстытæ æвзæрын кæной», – загъта Папуашвили.
Йæ ныхасмæ гæсгæ, æхсæнад рагæй систа йæ розæхуыз кæсæнцæстытæ æмæ иттæг хорз уыны, цавæр мæнг фарсылхæцындзинад ис ацы адæймæгтæн гуырдзиæгтæн.
«Нæдæр уыдонæн нæй эмпати, симпати, нæдæр интерес нæ бæстæйы сабырадон рæзтмæ. Сæрибардзинад æмæ демократийы тыххæй æппæт ныхас дæр у дзæгъæлы ныхæстæ сæхи æрдыгæй. Æцæгæй та, уый фæстæ лæууынц тынг уазалæй нымад политикон æмæ геополитикон интерестæ Гуырдзыстоны æрдæм, куыд территори æмæ гуырдзиæгтæ, куыд ацы бæстæйы иунæг цæрæг адæмы æрдæм», – расидтис Папуашвили.