Гуырдзыстоны парламенты сæрдар Шалва Папуашвили Араббаг Иугонд Эмиратты парламенты – Федералон Националон Советы президент Сакър Гобашимæ фембæлд.

Фембæлдыл банысан ис, цæмæй Гуырдзыстон æмæ Иугонд Араббаг Эмиратты æхсæн æмкуыстдзинад динамиконæй рæзы. Арæзт цæуынц бæрзонд æмвæзады визиттæ.

Гуырдзыстоны парламенты пресс-куыстмæ гæсгæ, ивгъуыд азы сентябры Арабаг Иугонд Эмиратты президенты, шейх Мохамед бин Заид Аль Нахьяны Гуырдзыстонмæ визиты нысаниуæгдзинад банысан ис. Ныхас баххæсыд Ираны цæугæ хæст æмæ регионалон æдасдзинады фарстатыл, регионалон стабилондзинад æмæ экономикон рæзтæн сабырад æмæ стабилондзинады нысаниуæгыл. Банысангонд æрцыд дыууæ бæстæйы æууæнкдзинады нысаниуæг дывæрсыг экономикон æмæ инвестицион проектты реализацийы.

«Фарсытæ æруынаффæ кодтой дывæрсыг æмгуыстады æндæр æмæ æндæр фарстатыл, се æхсæн парламентон бастдзинæдты фæарфдæр кæныны фæдыл. Фембæлд ацыд Æхсæнпарламентон цæдисы (IPU) Генералон Ассамблейы 152-æм сессийы фæлгæтты Стамбулы, Турчы Республикæйы», — загътой Гуырдзыстоны парламенты пресс-службæйы.

Парламенты сæрдары сæргълæудæй делегацийы сконды сты: æттаг ахастыты комитеты сæрдар Николоз Самхарадзе æмæ Алфæмблайы æмæ æрдзон ресурсты комитеты сæрдар Битадзе Майя.