Ацы уæззау рæстæджы, нæ адæмы зондæй æнцойгæнгæйæ, фидар лæууыдыстæм, баззадыстæм иузæрдионæй нæ бæстæйы интерестыл, нæ бауагътам бæстæ хæстон зонæмæ раивын, уæддæр тæссагдзинæдтæ никæдæм фесæфтысты. Уый тыххæй дæр æвзæрстыты хъæлæс кæнæм æрмæст ацы бæстæйы хицауадæн нæ фæлæ ма Гуырдзыстоны сабырадон фидæны цæстæнгасæн дæр – расидтис Гуырдзыстоны парламенты сæрдар Шалва Папуашвили «Гуырдзиаг Бæллиц» æвзарæн кампани Мцхетайы.
Папуашвилийы расидæнмæ гæсгæ, æнусты дæргъы Гуырдзыстон бавзæрста бирæ тохтæ, кæцыты æвдисæн у Мцхета, кæцыйæ райдайы «Гуырдзиаг Бæллиццы» йæ æвзарæн фембæлдтæ.
«Гуырдзиаг Бæллиццы» сæйраг хæс у, цæмæй ныр дæр удæгас цы цæфтæ ис, уыдон сдзæбæх кæнæм æмæ нæ ирон æмæ абхазаг æмзæххонтимæ иумæ саразæм иугонд, фидар, традицитæн кадгæнæг, намысджын бæстæ. Ацы зынаргъ нысан æнæмæнгæй домы сабырад бахъахъхъæнын, уымæн æмæ мах ацы хæст рамбулдзыстæм æрмæстдæр сабырдзинадæй.
Абон дæр истори йæхи фæлхат кæны. Абон дæр мах хъуамæ фидарæй, æнæфæцудгæйæ, къахдзæфгай хъахъхъæнæм Гуырдзыстоны, нæ адæмы интерестæ», – расидтис Папуашвили.