Гуырдзыстоны прокуратурæ, Централон æвзарæнон къамисы апелляцийы бындурыл 2024 азы 30 октябры, райдыдта фæдагуырд парламентон æвзæрстыты æнхъæлцау фальсификацийы факты фæдыл, уголовон кодексы 1643-æм статьяйы нысангонд фыдракæнды нысæнттæй Гуырдзыстоны. Уый фæдыл прокуратурæйы фидиуæн публикаци кæны.

Уагдоны информацимæ гæсгæ, ЦÆК-ы хъусынгæнинагмæ гæсгæ æмæ информацион фæрæзты фæрцы æхсæнадон фæзуаты парахатгонд информацимæ гæсгæ, Гуырдзыстоны президент, Саломэ Зурабишвилимæ хъуамæ уа бæлвырдгæнæнтæ 2024 азы парламентон æвзæрстыты гæнæн фальсификацийы фæдыл, уый тыххæй дæр законмæ гæсгæ, Гуырдзыстоны президентмæ фæдагуырдон уагдоны рафарстмæ фæсидтысты.

«Гуырдзыстоны прокуратурæ æппæт æнæмæнгхъæугæ фæдæвзарæн æмæ процессуалон архайдтытæ сыххæст кæндзæн, куыд банысангонд у ЦÆК-ы бардзырдæй, уыцы иу рæстæджы, Гуырдзыстоны президенты, хицæн политикон партиты æмæ цæстдарæг мисситы минæвæртты хъæлæсгонд фактты сахуыр кæныны нысанæн. Сæ æхсæн, фæдагуырды фæлгæтты, рафарст æрцæудзæн æппæт уыцы адæймæгтæ, кæцытæм гæнæн ис æмæ уа æнхъæлмæкæсинаг уголовон фактимæ баст информаци.

Ам хъусын кæнæм æхсæнадæн, цæмæй барадхъахъæнджытæ активонæй уадзынц фæдагуырдтæ къорд уголовон хъуыддаджы фæдыл, цæмæй сахуыр кæной æвзæрстыты агъоммæ периоды æмæ æвзæрстыты бон рабæрæггонд индивидуалон хæлдтытæ. Паддзахадон прокуратурæ периодикон æгъдауæй æхсæнадæн хъусын кæндзæн фæдагуырды фæстиуджыты фæдыл», – ис фыст прокуратурæйы парахатгонд фидиуæны.