10 азы рацыд, Уæрæсейы æрдыгæй Хъырымы ныббырстæй æмæ йæ æнæзакъонон аннексийæ, 900 бонæй фылдæр у, цæмæй Уæрæсе æвирхъау хæст кæны Украинайы ныхмæ – уый фæдыл Гуырдзыстоны президент, Саломэ Зурабишвили, цыппæрæм саммитыл раныхас кæнгæйæ «Хъырымы платформæ».
«Украинайы цæугæ хæст нæ раргом кодта Уæрæсейы агрессийы æцæг цæсгом – æвирхъау, æгъатыр кампани, кæцы æрмæст хæсты быдыры æфсæддонты нæ нысан кæны, фæлæ уæлдайдæр та æнæаххос сабыр цæрджыты, сывæллæтты æмæ æнæхъæн украинаг æхсæнады.
Уый æрмæст Украинæйы трагеди нæу; Уый у дунейæн фæдзæхст, цæмæй кæд æмæ Уæрæсейы нæ бауромдзысты, уæд уый адарддæр кæндзæн ацы æгъатыр методтæй пайда кæнын – фæнды комкоммæ традицион хæстон методтæ, æфсæддон оккупаци, гибридон хæст, кæнæ дезинформацион кампанитæ, цæмæй йæ империалистон амбицитæ къухы бафта», – загъта Саломэ Зурабишвили.
Йæ ныхæстæм гæсгæ, «ацы хъæддагдзинады раз Украинæ ноджы иу хатт равдыста диссаджы хъæбатырдзинад æмæ хъару, æмæ дуне дис кæны украинæгты хъару æмæ фæразондзинадыл, кæцыйæн ис æрмæстдæр хъæбатырдзинад схонæн, уый махæн, алкæмæн дæр у разæнгардгæнæг махæй».
Гуырдзыстоны президенты ныхасмæ гæсгæ, ацы хæст æцæгæйдæр у æхсæнадæмон барады принципты бахъахъхъæнын, арæнты кад æмæ нациты сабырæй цæрыны барты хъахъæд.
«Æмæ уыцы рæстæджы, Украинæ дарддæр кæны тох йæ æмæ Европæйы сæрибардзинады сæрыл, ноджы иу хатт мæ фæнды банысан кæнон, цæмæй гуырдзиаг адæм лæууынц уæ фарсмæ, дуне лæууы уæ фарсмæ æмæ иумæ равдисдзыстæм, цæмæй сæрибар дунейы тæрсынгæнæн нæй чи дих кæны, чи ныппырх кæны æмæ йæ чи фæнды уæлахиз кæнын, уыдонæй. Slava Ukraini!», – саммиты хайадисджытæм Гуырдзыстоны президент раныхас кодта.