Гуырдзыстоны президент   Саломэ Зурабишвили разы  у, цæмæй  культурон  хæзнайы  импорт, таможнæйы  фидтонæй   ссæрибар уа.  Уый тыххæй  Гуырдзыстоны президенты администрацийы  ахæлиугонд  информацийы  у  банысангонд.

Президенты  администрацийы хъусинагæй, Гуырдзыстоны  президент Саломэ Зурабишвили  Евроцæдисы  культурон тыгъдады  гуырдзиаг культурæйы  интеграций баахъаз кæныны  инциативæйæ   рацыд.  Фæнысангонд инициативæйы  æркæсынæн  абон президент администрацийы   фыццаг  кусæн фембæлд ацыд, кæцы культурон   хæзнайы  хъахъъæды æмæ  музейон  коллекциты  рапарахат кæнынмæ æххæссыд.

«Фембæлдыл куыд банысан ис афтæмæй,   Гуырдзыстоны  Евроцæдисмæ интеграци у  политикъон æмæ экономикон   процесс,   фæлæ   Евроцæдисы   культурон тыгъдадмæ  гуырдзиаг культурæйы   æххæстаргъджын интеграци,  хизы  политикъон æмæ  администрацион  фæлгæттæй  æмæ социо-культурон  процессæй  фестад.

Ацы процессы та,  президентæн ис сæрмагонд  роль.   Уымæн йæ бон у    минæвары  функци сæххæст кæнын  æхсæнадæмон æмвæзадыл  гуырдзиаг  аивадон  тыгъдады  интернационализацийы тыххæй,    институционалон  райтынгы æмæ  ацы  сферæйы  инвестициты  æрбаласыны  æрдæгй.

Абоны рабадтыл  президент æххуыс  расидтис   аивады  галуаны   менеджменты  закъондæттæн  æнхъарæнæн, кæцы  культурон  хæзнаты  импорты таможнæйы  фидтонæй   ссæрибар кæнын дары  йæ хъуыдыйы, кæцы  ахъаззаг хъуамæ суа  музейты  фондты  баххæстæн æмæ  ранæуæгæн»- хъусын кæнынц  президенты  администрацийы.

Афтæдæр  сæ  хъусинагæй, фæнысангонд æнхъарæн  цæттæ  кæны  инициативон къорд  парламентмæ бавдисынæн  æмæ  президенты фидиуæнæй,   фæнысангонд  закъондæттæн ивд, бирæ рæувадат дæр скæндзæн   аивадон  æрмукъæ саразын.

Президенты пресс-куысты   хъусинагæй,   фембæлдыл уыдысты  ахуырады, зонæдты, культурæ æмæ  спорты  министры  фыццаг хæдивæг  Михеил Гиоргадзе,  парламенты   ахуырады, зонæдты, культурæ æмæ  спорты комитеты  сæрдар Мариам Джаши, фæсарæн хъуыддæгты министрады,   МХМ-ы,  культурон бындариуæг хъахъхъæды   националон агентады, Тбилисы мэрийы   культурæйы, ахуырады, спорты æмæ æрыгонты хъуыддæгты  сахарон  куысты, националон   музейы,  аивады  галуаны,  нывгæнæн  аивады  музейы,  ICOM-ы, TAF-ы, галеристтæ, дилертæ, эксперттæ, ахуыргæндтæ.