Гуырдзыстоны  президент   Саломэ Зурабишвили  Паризы,   йæ хъæбултимæ иумæ,   Сыгъдæг Нинойы  номыл  уыцы  аргъуаны  райста хайад скуывды,  кæцы йæ фыды, Францы гуырдзиаг  диаспорæйы   сæрдары,   Леван Зурабишвилийы  инциативæйæ  æмæ тыхархайды  фæрцы   сырæзт.

Аргъуаны разамонæг  Фыд Арчил уыцы  периоды æрымысыд,   йæ сабибонты   Саломэ Зурабишвили активонæй  куы  цыдис аргъуанмæ  æмæ  зарыд зарæггæнджыты  къорды.  Уый  президентæн   сæйрмагонд куысты   размæцыд æмæ æнтыстытæ  ракуывдта.

«Мах стæм  гуырдзиаг эмиграцийы  аргъуаны,   кæцы у  Леван Зурабишвилийы,  Иосеб Къемулариайы  æмæ Иламаз  Дадешкелианийы  бындурæвæрд. Нæ Саломэ  иу  цыдис  ардæм сабибонтæй.  Мæ зæрдыл лæууынц  уыцы  бонтæ  зарæггæнджыты  къорды  иу   куы зарыд уый,  бирæ  ахæм   хæстæгон  æрымыссæггæгтæ  мæм ис.   Стыр ныфс  дарын  цæмæй   цæ  куыстæй   Европæ æмæ  æндæр бæстæтимæ ахастыты  стыр размæцыд æмæ æнтыстытæм æрцæудзæн.  Ацы  ныфсæй  иу  кувæм  уымæн æмæ Гуырдзыстонæн» – райхъусын кодта  Фыд Арчил.

Паризы  Сыгъдæг Нинойы  аргъуан  1929  азы  уыцы  гуырдзиаг рæстдинонтæн  æрцыд бындурæвæрд,   кæцытæ  1921  азы  уырысаг  оккупацийы  фæстæ   Францмæ  айстой  сæхи.

Сыгъдæг Нинойы  аргъуанмæ  цæудзытæн   Паризы  хуыцаумæ  скуывд  1944  азæй,  æххуырст  бæстыхайы  цыдис, 1973  азы  та,  Гуырдызстоны президент Саломэ Зурабишвилийы  фыды, Францы гуырдзиаг диаспорæйы  сæрдары, Леван Зурабишвилийы  инцинативæйæ,   Паризы  бантыстис  бынат балхæнын  æмæ   Францы æмæ  фæсарæнты цæрæг  гуырдзиæгты æххуысæй   кувæндон   саразын.

1990-æм азьы уый  уыдис Хуыцаумæ  скуывдæн иунæг   бынат  Гуырдзыстоны фæсарæнты, цы ран  скуывд  цыдис æххæст гуырдзиаг æвзагыл.

Абоны боны фæдыл  Саломэ Зурабишвилийы   чызг,  Кетеван  Горджестан, «Фейсбукпост» ныффыста, кæцыйы мидæг сæ  се стыр мад  дзуры,   куыд  балхæдтой  Паризы  бынат кувæндонæн.

«АБон иууыл  уый тыххæй  хъуыды кæнын,  куыд  цин уыдаит  мæ  нанайæн  махимæ иумæ  аргъуанмæ  рацæуын.  Темуримæ иумæ  райсомæй   мысыдыстæм   нанайы   историтæ» – фыссы Кетеван Горджестан.