Гуырдзыстоны президент Саломэ Зурабишвили оппозицийы минæвæрттимæ фембæлы. Фембæлд цæуы Орбелианты галуаны.

«Тыхджын Гуырдзыстоны» коалицийы лидертæ Мамука Хазарадзе æмæ Бадри Джапаридзе ныридæгæн уыдысты Саломе Зурабишвилиимæ фембæлдыл æмæ ацы рæстæгмæ, Зурабишвили «ивæндзинады коалицийы» лидертимæ, Ника Гварамиа æмæ Елене Хоштарияимæ фембæлы.

Ника Гварамиа æмæ Елене Хоштариа фембæлды размæ медийæн коментар нæ сарæзтой æмæ расидтысты, цæмæй фембæлды нысаны фæдыл информаци сæм нæй.

Фембæлдæй ацæуыны фæстæ, Мамука Хазарадзе журналисттæн расидтис, цæмæй фембæлдыл ныхасы сæйраг темæ уыд «Адæмон парламенты» сырæзты идея.

«Адæмон парламенты идея у уавæрон нысаниуæг, ацы идея базонгæ кодтам президентмæ. Фембæлдæй рацыдтæн тынг райгондæй, уыд нын тынг цымыдисон фембæлд. Президент сараздзæн брифинг æмæ уый размæ мæ нæ фæнды комментари скæнын, уымæн æмæ президент йæхæдæг базонгæ кæндзæн уыцы пълæнттæ адæмæн, кæцытæ тынг нысаниуæгджын сты. Ацы фембæлдтæ адарддæр уыдзысты, æрмæст немæ нæ, фæлæ æндæр коалицитимæ дæр. Мæнмæ гæсгæ, æхсæнадæн сæйрагдæр цы хъуамæ бамбарой, уый у пълан. Ацы план ис æмæ план у, цæмæй ацы бæстæйы уа сабырадон æвзæрстытæ», – расидтис Мамука Хазарадзе.