Гуырдзыстоны президент Саломэ Зурабишвили президенты галуаны оппозицийы минæвæрттимæ политикон консультацитæ аразы.

Саломэ Зурабишвили ныридæгæн фембæлд «Тыхджын Гуырдзыстоны» коалицийы лидертæй иу Ана Долидзеимæ.

Долидзе президентимæ фембæлды фæстæ журналисттæн куыд расидтис, афтæмæй ныр райдайынц нысаниуæгджын мидполитикон процесстæ æмæ æнæмæнгхъæугæ у президенты хайадист.

«Президент ныр ныгуылæнæй æрыздæхт, йæ партнертимæ фембæлд æмæ кæй зæгъын æй хъæуы, тынг нысаниуæгджын мидполитикон процесстæ ныр райдайынц. Президенты æхсæнылæвæрдæй политикон консультацитæ дæр райдайдзысты политикон партиты æхсæн. Ныхас цæуы, цавæр контуртæ хъуамæ уа ацы процессæн, æмæ уый домы президенты хайадист. Уый у ахæм процесс, цыран сæйраг роль æххæст кæнынц политикон партитæ. Æвзæрстытæм ма баззад цалдæр къуырийы æмæ мах хъуамæ бацæттæ кæнæм ивæн периодмæ. Ацы рæстæгæй хъуамæ спайда кæнæм, цæмæй сау дзыхъхъы ма бахауæм. Чи уыдзæн ацы процессты, цавæр роль æххæст кæндзæн президент æмæ цавæр роль æххæст кæндзысты политикон партитæ, уый домы цæттæдзинад.

Ныгуылæйнаг партнертæм та цы хауы, уыдон стыр хъусдард здахынц Гуырдзыстоны сабырадон, рæстадон, демокративон æмæ ивгъуыд æвзæрстытæм. Президенты ныхасмæ гæсгæ, нæ фарсмæ лæууынц нæ партнертæ æмæ нын ис сæ политикон æмæ материалон æххуыс. Президент у бæлвырд хид мах æмæ нæ ныгуылæйнаг партнерты æхсæн мидполитикон процессты. Премьер-министры постмæ гæнæн кандидатты фæдыл ныхас нæ уыд æмæ мæнмæ гæсгæ уый дæр раст нæу, уымæн æмæ хъусдард æвзарæнон кампанийæ конкретон гоймæгтæм ма хъуамæ ахиза», – расидтис Долидзе.