Гуырдзыстоны президент Саломэ Зурабишвили Лиетувæйы Республикæйы Сеймы сæрдар, Викториа Чмилите-Ниэлсенимæ фембæлдис. Президенты администрацийы ахæлиугонд информацийæ, ныхас уыд Гуырдзыстон æмæ Лиетувæйы æхсæн дыууæфарсон ахастытæ стынг кæныны фарстайыл, уый нымæцы парламентон ахастыты æрдгæй, афтæма бæстæты æхсæн дипломатон ахастыты 30 азы сæрыл.
«Гуырдзыстоны президент Лиетувæйы сеймы сæрдаримæ фембæлды рæстæджы Украинайы цæугæ хæст æмæ регионы сырæзт уавæр æркастис æмæ ноджы иу хатт гуырдзиаг адæмы номæй равдыста солидарондзинад Украинайæн.
Евроцæдисмæ интеграцийы процессыл ныхасы рæстæджы Гуырдызстоны президент бахахх кодта уыцы фарста, ома Евроцæдисы уæнгсуæвын Гуырдзыстоны цæрджыты абсолютон фылдæры хайы æнæцудгæ фæнд у æмæ растдæр уый æвдисæг уыдысты марты уагъд акцитæ. Евроинтеграцийы процессы ацы этапыл хъæуы цæмæй гуырдзиаг адæм райса фидар æрвитæггаг æмæ ауына, цæмæй Европæ йæ фарсмæ лæууы. Гуырдзыстоны президенты визит æмæ 18 апрелы европарламенты раз дзырдæй ралæуд та, растæдр ацы нысанæн у, цæмæй Евроцæдис бамбара гуырдзиаг адæмы æнæцудгæ фæнд æмæ ноджы иу хатт фенын кæна, цæмæй Гуырдзыстон аккаг у кандидаты статус райсын.
Фембæлдыл фæныхас кодтой оккупацигонд Гуырдзыстоны территоритыл сырæзт уæззау гуманитарон уавæрыл æмæ цæмæй евроинтеграци у афтæдæр егъау фадат оккупацигонд территоритыл цæрæг адæмæн.
Бахахх ис НАТО-Гуырдзыстоны ахастытæ стынг кæныны æмæ райтынг кæныны фарстайы Лиетувæйы ролы нысаниуæг. Афтæма банысан ис, цæмæй Евроатлантикон тыгъдады ауæрæх кæныны, Гуырдзыстон мауал хъуамæ баззайа йæ фæсдуар æмæ НАТО-ы Вильнюсы саммитыл хъæуы Гуырдзыстоны бæрзонддæр æмвæзадыл æмхайад», – банысангонд у президенты админситрацийы ахæлиугонд информацийы.