Европæйы хъысмæт сбæлвырд уыдзæн Украинайы хæсты фæстиуджытæй, афтæ дæр Молдовæйы æмæ Гуырдзыстоны плангонд æвзæрстыты фæстиуджытæй, уый дæр сбæлвырд кæндзæн Сау Денджызы æдасдзинад æмæ ацы денджызы фидæн, куыд денджыз куыстдзинад, бастдзинад æмæ сабырад, – уый фæдыл Гуырдзыстоны президент, Саломэ Зурабишвили Варшавайы æдасдзинады форумыл расидтис.
Зурабишвилийы ныхасмæ гæсгæ, Гуырдзыстоны цæрджыты 80 процент фидарæй хæцынц европон фæндаг æмæ европон фидæны фарс.
«Гуырдзыстоны уыдысты демократон æмæ проевропаг тыхтæ. Уыдон æвдыстой бæстæйы фылдæр хай. Уыдон зонынц, нæ фидæн кæм ис, уый. Уыдон зонынц, цæмæй Гуырдзыстонæн æндæр альтернативæ нæй. 80 процент Гуырдзыстоны цæрджытæй, хæстмæ æмæ Уæрæсейы бирæ æндæр бафæлвæрдтæм æнæкæсгæйæ Гуырдзыстоны фæндаг аивыны тыххæй, Гуырдзыстоны европон фæндаг æмæ европон фидæнæн фидарæй æххуыс кæнынц азты дæргъы. Æскъуыддзаггæнæг уыдзысты 26-æм октябры плангонд æвзæрстытæ. Бирæ тыхтæ кусынц Гуырдзыстоны фæндоны ныхмæ, фæлæ мæ уырны, цæмæй нæ фидæн Европæйы ис. Ацы нæ фидæн хъахъхъæд цæуы Украинæйæ, кæд æмæ ныр Украинæ тох кæны йæ хæдбардзинадыл, Европæйы сæрибардзинадыл æмæ афтæдæр Гуырдзыстоны сæрибардзинадыл. Европæйы хъысмæт сбæлвырд уыдзæн Украинайы хæсты фæстиуджытæй, афтæ дæр Молдовæйы æмæ Гуырдзыстоны плангонд æвзæрстыты фæстиуджытæй. Уый ма бæрæг кæны Сау денджызы æдасдзинад æмæ йæ фидæн, куыд æмгуыстады, бастдзинады æмæ сабырады денджыз. Уый афтæдæр бæрæг кæны Европæйы æмæ нæ ныгуылæйнаг партнерты роль Кавказы регионы, бæрæг кæны Сомихыстоны фидæн, кæцы дæр Евроцæдисимæ æрбаввахс кæныны фæндагыл лæууы. Уӕдӕ абон тӕссаг уавӕры цыдӕриддӕр ис, уый у тынг ахсджиаг, ӕмӕ сӕйрагдӕр у сабырдзинад. Сабырад, кæцы адæмы сæрибар фæндонæй æвдыст æрцæудзæн Гуырдзыстоны, Молдовайы», – расидтис Зурабишвили.