Сакстат – 2018 азы дыккаг кварталы, раззаг кварталимæ абаргæйæ, æгуыстдзинады æмвæз фæкъаддæр ис
Сакстаты бæрæггæнæнтæм гæсгæ, 2018 азы дыккаг кварталы æгуыстдзинады æмвæз раззаг кварталимæ абаргæйæ, фæкъаддæр ис 1,9%-æй æмæ аххæссыд 12,1 %.
Статистикæйы националон куысты директоры Гогита Тодрадзейы ныхæстæм гæсгæ, ацы бæрæггæнæн баст у сезонон фактортимæ.
Тодрадзе куыд райхъсын кодта афтæмæй, æгуыстдзинады æмвæзад традиционæй бæрзонд у нæлгоймæгты æхсæн. 2018 азы дыккаг кварталы фæнысангонд бæрæггæнæн нæлгоймæгты æхсæн бирæ фылдæр сылгоймæгтимæ абаргæйæ, кæцы у 3,3%.
Йæ ныхæстæм гæсгæ, ацы ивд сæвзæрдис сезонон фактортæй, æмæ сæйрагæйдæр баст у арæзтадты æмæ хъæууон хæдзарады къабæзты кусджыты нымæцы рæзтимæ.
Сакстаты бæрæггæнæнты мидæг банысангонд куыд у афтæмæй, 2018 азы дыккаг кварталы экономиконæй активон цæрджыты нымæц аххæссыд 64 процентмæ, (15 азы карæй хистæрдæр цæрджытæ). Афтæдæр сæ информацимæ гæсгæйæ, раззаг кварталимæ абаргæйæ, фæбæрзонддæр ис цæрджыты активондзинады æмвæз æмæ кусæг цæрджыты нымæц дæр, 0.2 æмæ 1.4 процентæй.
Сакстаты бæрæггæнæнтæм гæсгæйæ, хъæуты цæрджыты æгуыстдзинады æмвæз, сахарты цæрджтимæ абаргæйæ ныллæгдæр у.