Сабион Евроуынынады 2024-æм азы уæлахиздзау Андрия Путкарадзе Гуырдзыстонмæ æрыздæхт. Тбилисы æхсæнадæмон аэропорты Андрия Путкарадзеимæ бинонты уæнгтæ, хæлæрттæ, аивадуарзджытæ æмæ музыкалон проект «Ранина»-йы конкурсанттæ фембæлдысты.

«Æз тынг амондджын дæн. Тынг æхсызгон мын у, цæмæй Гуырдзыстонæн ноджы иу хатт уæлахиз æрхастон. Уым куы уыдтæн, уæд мæхи афтæ æнкъардтон, цыма фыны уыдтæн, æцæгæйдæр. Тынг амондджын уыдтæн, тынг æхсызгон у, цæмæй мæ мæ хæлæрттæ аэропорты сæмбæлдысты» -расидтис Андрия Путкарадзе.

Андрия Путкарадзе Гуырдзыстонæн йæ цыппæрæм уæлахиздзинад æрхаста Сабион  Евроуынынады 239 баллæй. Ахæм фæстиуæгимæ, Гуырдзыстон ерысты рекордсмен у.

Андрия Путкарадзе жюрийы æрдыгæй 180 баллы райста, онлайн хъæлæсæппæрстæй та 59 баллы. Гуырдзыстоны минæвар 12 баллы 12 бæстæйæ райста.

Андрия Путкарадзе æрæмбырдуæвджытæн балæвар кодта зарæг «Мæ мадæн», кæцыйы Гига Къухианидзе ныффыста. Йемæ иумæ Мака Давитая бакуыста текстыл.

Сабион Евроуынынад 2024 Испанийы сæйраг сахар Мадриды сырæзт, кæцыйы 17 бæстæ иста хайад.