Гуырдзыстон АИШ-æй дунейы номдзыд æмæ сеппæтæй эффективон танкъыныхмæ системæтæ æрылхæндзæн.
Javelin –ы æрылхæдмæ гæсгæ бадзырдтæ фæстаг этапыл сты. Абон бæрæг ссис, цæмæй паддзахадон департамент бадзырдимæ сразы ис. Дзырдæуы 75 милуан доллары аргъы æфсæддон техникæйыл.
Javelin-ы Гуырдзыстонмæ фыццаг хатт æрластой 2017 азы сентябры уагъд бирæнацион ахуырты «Аккаг партнеры» (Nobel Partner) рæстæджы.
«Æфсæйнаг арц» – Javelin дунейы иуæй-иу сеппæтæй тыхджын мобилон танкъыныхмæ ракетон комплекс у. Уый куынæг кæны алы хуызы згъæртехникæ. Афтæдæр æнтыстджынæй кусы ныллæг бæрзæндыл тæхæг æмæ астæуккаг тагъдадæй змæлæг тæхæн аппаратты ныхмæ, сæ нымæцы хæрдмæтæхджыты, æнæпилот тæхæн аппаратты æмæ бæрæг хуызы хæдтæхджыты скуынæг кæнынæн дæр.
Javelinы- АИШ-ы гразджын тыхты 1996 азы æрбайстой. Фæнысангонд ахæссæн коплексæй активонæй пайда кодтой Иракы æмæ æндæр æфсæддон конфликтты рæстæджы.
Javelin-ы ракетæ арызт у классикон аэродинамикон схемæйæ. Æхсты рæстæджы йæ базыртæ айтынг кæны. Ракетæ ифтонггонд у инфрасырх гарзæгæй. Уый кусы принципæй «фехс æмæ фрох кæны» Куыд уаг, ацы хæцæнгарзы рæстмæ кусынæн хъæуы дыууæ адæймаг – æхсæг-оператор æмæ хæцæн æрмæгы бадæттæг. Фæлæ хъæугæ цауы ракетæйы ауадзын йæ бон бауыдзæн иунæг адæймагæн дæр. «Æфсæйнаг арцы» куысты принципæй рацæугæйæ, æфсæддонæн йæ бон у, тагъд раива позици æмæ дыккаг ракетæ уæд фехса, цалынмæ фыццаг ракетæ фæхæццæ уыдзæн мысанмæ.
Javelin-ы уæлидзинæдтæ:
- Ракетæйы нысанмæ сисын гæнæн ис уæззау метеорологион уавæрты, афтæдæр фидар фæздæджы æмæ æхсæвы уавæрты дæр;
- Мысанмæ йæхæдæг исынхъом системæйæ нæ хъæуы рухс;
- Ракетæйæ гæнæн ис танкъы сеппæтæй лæмæгъ хайы – сæры скуынæг кæнын;
- Комплексы асы æмæ уæзы тыххæй, уымæй спайда кæнын йæ бон у иу æфсæддонæн;
- Ауадзæг агайæг æмæ «рог ауадзæг системæйы» фæрцы гæнæн ис ракетæйы бæстыхайæ фехсын дæр;
- Ауадзæг æмæ фæткдар блокæй спайда кæнын гæнæн ис хицæнæй дæр – рагысгарыны нысанæй.
2013 азы бæрæггæнæнтæй, фæйнæ ахæм танкъыныхмæ комплексы аргъ у 100 мин доллар. Аудзæг блокы аргъ та 126 мин долллармæ æххæссы.
