Гуырдзыстоны премьер-министр Ираклий Къобахидзе дунеон хицауады саммиты хайад райсдзæн, кæцы Иугонд Араббаг Эмираттæ Дубайы 11-13 февралы уадзы. Уый фæдыл информаци хицауады администрацийы пресс-куыстуат парахат кæны.

Гуырдзыстоны хицауады сæрдар Дунеон хицауады саммиты хайадисджыты раз 11-æм февралы ралæудзæн.

Премьер Дубаймæ ацыд делегациимæ, кæцыйы сконды уыдысты премьер-министры фыццаг хæдивæг, экономикæ æмæ æнæфæцудгæ рæзынады министр Леван Давиташвили, æддаг хъуыддæгты министр Мака Бочъоришвили, юстицийы министр Анри Оханашвили æмæ хицауады администрацийы къухдариуæггæнæг Леван Жоржолиани.

«2025 азы дунеон хицауады саммиты сæйраг темæ у «Фидæны хицауадты равзæрд» æмæ дзы ис æхсæз минæй фылдæр хайадисæг». Саммит æрæмбырд кæны дунейы æндæр æмæ æндæр фадгуыты минæвæртты, цæмæй æруынаффæ кæной æхсæнадæмон æмкуыстдзинады парахат кæныны æмæ фарстытæ аиуварс кæныны инновацион фæндæгтыл. Се ‘хсæн хицауады сæргълæуджытæ, дунеон организациты æмæ сæрмагонд секторы сæргълæуджытæ, стæй раззагдæр эксперттæ. 2025 азы саммиты хайад райсдзысты 30-æй фылдæр паддзахады æмæ хицауады сæргълæууæг, 80-æй фылдæр æхсæнадæмон организаци, æмæ хицауады делегацитæ 140 бæстæйæ. 12-æм саммиты программæ здæхт у 6 сæйраг тематикон здæхтмæ: эффективон хицауиуæгад æмæ дзуапдæттæндзинад; Фидæн æмæ дунеон экономикæйы финанскæнынад; Климат æмæ æнæфæцудгæ горæттæ; Адæмыл æнцойгæнæг фидæн æмæ хъомысджындзинады рæзт; Æппæтдунеон æнæниздзинады трансформаци; «Рæзгæ тенденцитæ æмæ фидæн», – ис фыст Гуырдзыстоны хицауады администрацийы фидиуæны.