Гуырдзыстоны премьер-министр Ираклий Къобахидзе ИНО-йы конференцийы хайад райсдзæн, кæцыйы Туркменистан горæт Авазайы фысым кæндзæн.

Хицауады администрацийы информацимæ гæсгæ, Гуырдзыстоны премьер-министр кусæн визиты фæлгæтты 5-æм августы конференцийыл раныхас кæнын плангонд у. Ираклий Къобахидзе йæ хъус дардзæн Гуырдзыстоны стратегион бынатмæ æмæ бæстæйы ролыл, куыд Скæсæн æмæ Ныгуылæны иугæнæг къæлидор, кæцы нысаниуæгджын бастдзинады фадæттæ дæтты аст денджызæй æнæбаст бæстæйæн.

Визиты фæлгæтты Гуырдзыстоны премьер-министр лæгæй-лæгмæ фембæлдзæн конференцийы фысым бæстæ Туркменистаны президент Сердар Бердимухамедовимæ æмæ ИНО-йы генералон нымæрдар Антонио Гутерришимæ.

Ираклий Къобахидзе саммитмæ делегациимæ абалц кодта, кæцыйы сконды сты фæсарæн хъуыддæгты министр Мака Бочоришвили, экономикæйы æмæ æнæфæцудгæ рæзынады министр Мариам Квривишвили æмæ хицауады администрацийы къухдариуæггæнæг Леван Жоржолиани.